2017 第一減!Sony 手機搶先跌價,入手是時候了嗎?
|
Sony
Sony 旗艦手機新低價,網友覺得抵唔抵呢?
減價手機有兩款,一款係旗艦機種,而另一款則是中階機種。先由旗艦機種說起,講緊嘅係 Sony Xperia X Performance,是 2016 上半年推出的旗艦手機,配備 S820 處理器,可惜的是用上 5 吋芒,加上只有 3GB RAM,未必太吸引到網友入手。之前賣緊 $3998,來到 2017 即刻有再減,幅度唔多,減多 $100,最新賣價為 $3898,呢個價錢,唔知吸引到網友入手未呢?
▲ Sony X Performance 再減多 $100,最新賣價為 $3898。
Sony 中階手機急跌五百!入手是時候了?
講完旗艦,就講埋中階機種吧!講緊嘅係 Sony Xperia X,是跟 X Performance 同期推出的手機,同樣係用上 5 吋屏幕,配備 S650 處理器,跟 X Performance 相比,Xperia X 的續航能力相對更佳 (X Performace 我會覺得會有點倒水電),大舖之前賣緊 $3298,到 2017 一跌,跌左 $500,最新賣價為 $2798。雖然 Xperia X 會減價,版主早已預計到,但減 $500 咁多,又出乎意料之外。不知這個最新大舖價,會否讓你有點兒心動,想入部番去玩下呢?
▲ 而 Xperia X 今次更一減減左 $500,跌到 $2798,雖然效能未必去到好 perfect,不過勝在較省電,呢個價位網友係時候入手了嗎?
Sony Xperia X Performance 在文章發表時,大舖賣價為 $3898,按這裡有詳細規格及最新賣價。
Sony Xperia X 在文章發表時,大舖賣價為 $2798,按這裡有詳細規格及最新賣價。