Sony XZ 開賣三月 N 連減！過年前大舖新低價，要換新機？
減價手機有兩部，淨係睇標題都知道，減價的是 Sony 旗艦機 Xperia XZ，同埋中階機 XA Ultra。講左 Xperia XZ 先，呢部旗艦機自去年 10 月正式開賣後，短短三個月都已經數不清第幾次減價了，雖然減得密，但每次減價幅度都不多。來到新年前最後一日，XZ 都仲要減多舖，由原來的 $4998，減多兩舊至 $4798，網友新年係時候要換機了嗎？
▲ Sony 呢部最新旗艦，真係唔知可以講啲乜好，雖然每次減價幅度都唔多，但減價最密的一定係佢。臨新年前又再減多舖，最新賣價跌到 $4798，網友會打算新年換新機嗎？
6 吋大芒機減多兩舊，網友會受？
至於 Sony Xperia XA Ultra，其實呢部手機本來應該係幾有吸引力嘅。點解？有 6 吋巨芒，不少網友的至愛，自拍影相又唔算好差，衰喺邊度呢？一衰在 MTK U，二衰在 16GB ROM，呢兩樣嘢個人覺得直接影響呢部手機的吸引力。不過，要平，要降低成本，係可以理解嘅，之前大舖一直賣緊 $2498，呢個價已經企硬左差不多有五個月了，而家終於有得減，不過始終都係減得唔多，最新賣價 $2298，網友又點睇呢？
▲ 至於 XA Ultra 六吋大芒機，而家減多兩舊至 $2298，有大芒但得 16GB ROM 仲要 MTK U，呢個價網友會受嗎？
Sony Xperia XZ 在文章發表時，大舖賣價為 $4798，按這裡有詳細規格及最新賣價。
Sony Xperia XA Ultra 在文章發表時，大舖賣價為 $2298，按這裡有詳細規格及最新賣價。