主題:迎接 Xperia XZs!Sony 旗艦本月第三減,真抵玩?

ePrice HK
  • 發表時間:2017-03-17 20:09 收錄檢舉
    尋日版主同大家講到,Sony 會在 22/3 香港發佈會上發表兩部新機,分別為 Xperia XZs 以及 Xperia XA1,香港會賣幾錢,版主都已經爆埋俾大家知。個人覺得,Xperia XZs 定價算合理,不過開賣減幾多錢,對網友來說先係最重要。新機未出,舊有旗艦已經開始減定價,迎接 Xperia XZs,呢個價錢網友又會唔會考慮入手呢?

    迎接 Xperia XZs!Sony 旗艦本月第三減,真抵玩?
     

    Sony Xperia XZ 大舖賣價未變,預料新機一出後再減

    講緊嘅係目前仲叫做最新 Sony 旗艦的 Xperia XZ,不過呢篇文章重點不是大舖,而係細舖,但都會先同大家重溫大舖賣價。Sony Xperia XZ 大舖暫時最新賣價為 $4498,會送保護貼、原裝機套、64GB microSD 卡、尿袋以及 Type-C 轉插,禮品好似幾豐富咁,至於實際會幾時減價,版主收到的消息是,可能會等新機出左先會減。不過有留意版主平時的場料,都知道其實深水埗細舖,會抵好多。

    迎接 Xperia XZs!Sony 旗艦本月第三減,真抵玩?
     

    細舖本月三連減,呢個價錢網友要敗?

    深水埗細舖方面,Sony Xperia XZ 月頭的時候,已經減過兩次價,3/3 去睇賣 $3998,7/3 去睇則變左 $3880。差果一百,網友未必有太大感覺,去到而家月中,版主再去行場果陣,見到已經落到去 $3680,同月頭相比減左 $300,相信係因為新旗艦 Xperia XZs 快到,所以急住劈價清貨。呢個價錢,網友會否考慮入手?

    迎接 Xperia XZs!Sony 旗艦本月第三減,真抵玩?
    ▲ 細舖而家呢個價錢,相比旺角先達的水貨價還要便宜,抵唔抵玩?

    Sony Xperia XZ 在文章發表時,大舖賣價為 $4498,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁