Sony Xperia XZs 劈價鬥 LG / HTC，網友點揀？
廢話唔講咁多，直接講大舖一出即減幾多。Sony Xperia XZs 同 Xperia XA1 今日起正式接受預訂，當中 XZs 建議零售價為 $5298，將於 4 月 7 日正式開賣，一出會減 $300，即係 $4998，一開波就跌穿五千，並接受分期付款。顏色方面有黑、藍、銀三種顏色，預訂會送額外一年保養 (價值 $398) 以及原廠保護套 (價值 $298)。另外，如果衛訊購買，仲會送保護貼、尿袋、AIG 6 個月爆芒保以及 64GB microSD 卡。
▲ Sony Xperia XZs 一出即減 $300，賣 $4998，呢個價錢網友又接唔接受到呢？
▲ 呢個價錢，就同 LG V20 同價，同樣係 S820 處理器 + 4GB RAM + 64GB ROM，但 V20 有 5.7 吋大芒、3200mAh 電池，仲要有得換電，會唔會入手 V20 更值得呢？
▲ HTC 10 都係一樣 5.2 吋芒，有 S820 + 4GB RAM，唯一衰就衰在得 32GB，但賣價都不過是 $3998，比 Xperia XZs 便宜 $1000，你又會怎樣選擇？
Sony Xperia XA1 又會唔會抵玩過 HTC Desire 10 Pro 呢？
至於 Xperia XA1，建議零售價則為 $2498，將於 3 月 31 日正式開賣，有黑、金、粉紅、白四種顏色，一出會即減 $200，即 $2298，衛訊入手會送保護貼、尿袋以及 32GB microSD 卡。其實 $2298 這個價錢係抵玩的，不過以呢個價錢來說，仲會唔會有更好的選擇呢？
▲ 不少網友覺得，如果 Xperia XA1 唔係用 MTK 處理器，相信吸引力會大大提升。而家即減 $200，又能唔能夠稍微提升下吸引力呢？
▲ 雖然 Xperia XA1 今次將記憶體以及儲存容量增加至 3GB RAM 以及 32GB ROM，不過睇番對手 HTC Desire 10 Pro，加多 $400 有 4GB RAM + 64GB ROM，又會唔會相對更吸引呢？
ePrice.HK 比拼系統: 即睇咁多部機邊部抵玩
▲ 按上圖或按這裡，查看五部機的不同之處。你會覺得邊部抵玩？
Sony Xperia XZs 在文章發表時，大舖賣價為 $4998，按這裡有詳細規格及最新賣價。
Sony Xperia XA1 在文章發表時，大舖賣價為 $2298，按這裡有詳細規格及最新賣價。
LG V20 在文章發表時，大舖賣價為 $4998，按這裡有詳細規格及最新賣價。
HTC 10 在文章發表時，大舖賣價為 $3998，按這裡有詳細規格及最新賣價。
HTC Desire 10 Pro 在文章發表時，大舖賣價為 $2698，按這裡有詳細規格及最新賣價。