而家入手真係好抵玩? Sony Xperia XZ 愈賣愈平,買機係機會了!

左定坤 (Cho Ting Kwan) 2017-03-28 20:14 | Sony
版主一向都對 Sony 手機並不反感,甚至我成日都話,幾鍾意佢哋手機的設計。Sony 手機在全球的市佔率並不差,但有時真係唔明,點解偏偏在香港就賣得唔好呢? 相信好大原因是,網友看厭了 Sony 一成不變的設計,加上記憶體往往比其他同期旗艦機少,導致網友都無乜意慾入手吧? 在我印象之中,Sony 近年比較輝煌的時期,應該是 Z5 Premium 果期,可能鏡面機背夠特別,加上有 4K 屏,確實吸引到不少網友入手。如今來到 Xperia XZs,因為同上代太接近,似乎未有太大吸引力,但如果上代 XZ 減到呢個價,又制唔制得過呢? 睇下文啦!

場料(Facebook).jpg

早排版主行場的時候,同大舖店員吹開水,表示 Sony Xperia XZ 賣得麻麻地,而最新的 XZs 玩嘅人多,但落訂嘅人唔多,反而 Xperia Z5 Premium 到最近又多返人買,呢個現象其實好少見,但亦顯得 Z5 Premium 果段時期真係做得好成功。問過店員,而家 Xperia XZs 推出左,係咪 XZ 將會減價呢? 聽店員講,似乎上頭並無諗住減,不過如果 XZs 賣得唔好,佢想唔減都唔得吧? 

開賣不足半年被揭停產?Sony Xperia XZ 大舖驚見三千有找!

唔使等大舖,有網絡商已經將 Sony Xperia XZ 減價,唔使上台,用 $3998 呢個價錢就可以入手。講緊嘅係 SmarTone 網上商店,最近有新優惠將 XZ 減到 $3998,但要注意的是,藍色已經被掃清光,只剩下黑色同銀色版本,購買除左有 SmarTone 獨家的免費爆芒換新服務之外,仲會送 Sony 原廠觸控式智能手機套,以及另外 $100 即時配件折扣,網友又是否會考慮呢?

SmarTone.jpg

Sony Xperia XZ 在文章發表時,大舖賣價為 $4498,按這裡有詳細規格及最新賣價

最新新聞