日本 vs 韓系!旗艦 S835 手機!效能 +屏幕 +電量比拼

管理員 2017-05-27 18:45 | Sony
識得玩手機,都會等待五月尾、六月頭才入貨,因為採用現時最強處理器  Qualcomm Snapdragon 835 嘅手機效能,應該係最好。其中日本代表,韓國代表都係最多人談論。日本 S835 代表保留了暫時都係市場唯一一款 5.5 吋 4K HDR 解像度屏幕外,更加入了 Motion Eye 相機系統!同期另一款韓國 S835 手機,以 18.5:9 幾乎無邊屏幕作賣點,看似有得比較。到底結果,係效能、屏幕、電量,邊部比較好?我哋用不同嘅實測方法比併過。

fb03.jpg

Benchmark 跑分 
要客觀知道手機嘅效能,唔係一句,「我覺得部機行得順」咁簡單,我哋可以透過不同效能測試 (跑分)軟件知道一二。一個未必準,我哋搵了三個!即睇睇分數!

screen01 拷貝.jpg
▲ Antutu 安兔兔是一個網友好熟嘅跑分軟件,其實裡面代表了一部機嘅 CPU 效能、3D 遊戲順暢度、UX 系統體驗及 RAM 運作速度的實測,再綜合一個分數。在同一環境下跑分日本 S835 代表與韓國 S835 代表得分為 178277 vs 169595。十七萬分代表係最頂級手機嘅效能,而再睇睇分數細項,日本 S835 手機得分都比對手高,代表日本 S835 整體效能都比對手好。

screen02 拷貝.jpg
▲ 第二個效能實測軟件係 PCMark Work 2.0,以手機睇網站、修改文件,睇圖片,睇視頻,一些好實際功能作為評分標準,日本 S835 手機與韓國對手得分為 6785 vs 6834。今次韓國代表贏番少少,但係兩部都係屬於頂級分數,代表兩部機用最常用嘅 Apps 都會有最好嘅體驗。

screen03 拷貝.jpg

 ▲一部高檔手機好唔好,不少網友都會睇下佢打 3D 遊戲嘅情況,3D Mark Sling Shot Extreme 專門用來測試高端手機 3D 遊戲運行嘅效果,日本 S835 手機與韓國對手得分為 3694 vs 3542。呢個分數,同様係 3D Mark 資料裡面是最 Top 的行列,而 日本代表比起同期對手有更好表現。

4K 16:9 屏幕 vs 2K 18.5:9 屏幕

跑分之後,日本 S835 與另一款韓國 S835 處理器手機,係屏幕上面都值得比較一下。日本 S835 代表有一個 4K HDR  屏幕,若果你有 HDR 片源,黑色部份會顯得更好。不過,我哋今次用一些貼地材料做比拼:ViuTV App 及最多 4K 內容嘅 YouTube。

05Viutv.JPG
▲ 日本 S835 手機有 5.5 吋 4K HDR 芒 (圖上),而韓國對手有一個 5.7 吋,18:9 嘅 2K+屏幕 (圖下),相對來, 日本代表輸蝕了?!不過,當兩部比較上來,就會知道 18.5:9 其實未必係優點來。我哋用 ViuTV App 嘅節目重温作例子。香港電視台都係以 16:9 畫面比例,製作節目,係 18:9 屏幕下觀看,你要 Full Screen 就要裁切部份畫面,原汁原味顯示就會像上面圖下一様,5.7 吋芒居然不及 5.5 吋芒的視野!  大尺吋屏幕,睇少左畫面,呢個係好有趣嘅發現。

螢幕快照 2017-06-08 下午12.33.49.png
▲ 4K 屏幕都要有相關內容,YouTube 裡面只要片源是 4K,係呢部日本 S835 裡 (左),都會睇到 2160p 即 4K 解像度選擇,可以係手機真正享受 4K 。而同期日本對手,只能選擇 2K 解像度。(右)

06-4k.JPG
▲ 認識呢個日本品牌 4K 屏幕手機嘅網友都知,4K 解像度只會係睇圖片、睇短片等環境下才會出現,平時會以 1080p 顯示。今次呢部日本 S835 旗艦,在任何時候都 show 到 4K 效果 (包括升級未足 2160p 4K 畫面)。但韓國 S835 對手,雖然話係 2K 解像度,但出機嗰陣,會預設 1080p 顯示,唔係玩開手機嘅用家,未必知呢個秘密,可能到手機壞了,也從未試過享用 2K 畫質。言歸正傳,YouTube 其實已自動認到日本 S835 手機嘅 4K 芒,要睇 4K 片,係 YouTube 加上 4K 呢個 Keyword 去 Search 就睇到!圖中就係電影「英雄聯盟」預告片,圖上嘅日本 S835 ,比較下方另一款韓國 S835 嘅手機,可見因著 4K 顯示更加富層次,圖下嘅畫面,只有 2K 解像度,色彩對比度都豐富,但不及 4K 嘅日本代表畫面吸引。

電力測試

用旗艦手機,最怕唔夠電!我哋用睇片電量,來睇睇日韓系 S835 手機係咪好慳電。用 WiFi 網絡上網,手機光度調至 75%,聲音再調至 75%,係 YouTube 找一段有 4K 解像度嘅短片,連續播放 31 分鐘。​韓系手機,我哋揀了 2K 解像度 (也沒有 4K 可選),在同一個設定下,結果只用了 7% 電量,日本 S835 手機係播放 4K 短片下,結果只用了 9% 電量,相差只係 2% 電量左右,但日本代表是 4K 畫質!做到咁,已係十分好嘅效果。

04.jpg

小結日本 S835 芒好睇,效能勁好

採用 Qualcomm S835 處理器嘅手機,肯定係唔少網友高階之選。日本 S835 係部份跑分軟件成績,表現比同期韓國對手更強效能,絕對對得著呢粒至強 CPU,網友用起上來,不論上網、打機都好爽手。4K 屏幕相比 18.5:9 屏幕,有更豐富內容,5.5 吋芒顯示面積亦比 18.5:9 5.7 吋屏幕大 (視頻節目),係真正嘅大芒手機!電量部份,就算連續播放 4K 短片,續航力亦不錯!

資料由客戶提供

最新新聞