就在今日，版主行場時發現，Sony XZ Premium 大舖終於減價了！不過，減幅就唔係好多，只減果 $200 賣 $5798，網友又接唔接受呢？不過，在大舖手機賣價持續企硬的情況下，有得減好過無得減，係咪先？如果嫌大舖賣得慣，咁無辦法了，唯有睇下會唔會考慮水貨。到旺角先達巡視一周，發現原來而家水貨只需 $4480 就可以入手到 XZ Premium，至於行貨方面，則賣緊 $4580 - $4780 左右 (視乎顏色而定，最平粉紅色)。
不過版主都提醒大家要小心的是，有時先達就算同你講係行貨，但都未必會有原廠保養，佢哋亦將呢類機稱為「港水機」，指的是由大舖或者電訊商平價流出的「後門貨」。換句話說，可能你用 $4480 買真水貨，同你 $4780 買「後門行貨」機，最終待遇可能都是一樣，總之要小心，買機前要問清楚。不過，如果 $4500 左右可以入手 S835 嘅 XZ Premium，又是否可以考慮呢？
Sony Xperia XZ Premium 在文章發表時，大舖賣價為 $5798，按這裡有詳細規格及最新賣價。