大舖 / 網絡商齊清倉!大芒手機平價賣!Sony 六吋手機跌到一字頭!

左定坤 (Cho Ting Kwan) 2017-06-29 18:34 | Sony
有不少 ePrice.HK 網友,都會留意大芒手機,上星期網絡商 3HK 就將一部大芒手機清貨減價,不過網友就嫌配置太過入門,加上大芒但無 FHD 芒,就算只需一千蚊,都影響到網友入手的意慾。想買大芒手機,又要有 FHD 解像度,今日版主就有其他介紹,仲要係 Sony 品牌,聽落點都有保證一點吧?而且仲要跌到一字頭,似乎都叫做諗得過。講緊邊部?睇下文啦!

3HK(Facebook).jpg

網絡商大芒手機清貨,Sony XA1 Ultra 終於有得減?

今日星期五,例牌都同大家分享一下 3HK 的網店優惠。同上星期一樣的是,3HK 今次都係主要為六吋大芒手機清貨,除了繼續有 Alcatel A3 XL 之外,今次仲加入了 Sony XA1 Ultra!呢部 XA1 Ultra 其實都出左一段時間,但大舖依然一蚊都唔減,難怪版主會收到風聲,話呢部手機並唔係咁搶手啦~不過而家 3HK 就搶先同佢減,減 $650 至 $2638。講番部機,XA1 Ultra 今代最抵讚的是,佢終於有 4GB RAM + 64GB ROM,不過都係 MTK U,用上 P20 處理器,三千幾蚊始終都係貴左啲,但而家二千幾蚊,版主個人覺得係可以敗的。你認為呢?

Screen Shot 2017-07-14 at 5.56.11 PM.png
▲ 不過呢,今次呢個 XA1 Ultra 優惠係 3HK 客戶專屬的,如果有興趣想入手的話,就要搵用緊 3HK 的朋友幫手買了。

Screen Shot 2017-07-14 at 5.59.10 PM.png
▲ 一千蚊貨仔,不過得 720p 芒同埋 2GB / 16GB,好似令唔少網友卻步吧?

Screen Shot 2017-07-14 at 6.00.34 PM.png
▲ 順帶一提,3HK 今次都有將 Alcatel A5 LED 減價,都減左五百幾蚊,賣 $1318。仲記得呢部手機嗎?呢部就係版主之前上手試玩過,可以換個 LED 後蓋的「閃光手機」。

Screen Shot 2017-07-14 at 6.04.04 PM.png
▲ 當然唔少得嘅係萬年 iPhone,想知更多的話,可以按這裡進入 3HK 網店

千幾蚊入手 Sony 六吋大芒手機!

標題就話,Sony 六吋手機跌到一字頭,但頭先講緊 XA1 Ultra,都要 $2638 喎?何來一字頭呢?接住下來版主想講的,就不是網絡商,而是大舖的清倉減價。無錯就係上代的 XA Ultra,出面其他大舖一係就已經無貨,而就算有貨,最後賣價都要 $2298,即使新一代 XA1 Ultra 上場,但價錢上依然沒有變改。不過而家中原就將佢以低價清貨,只需 $1908 就可以入手,雖然只有 3GB RAM + 16GB ROM,比起新代 XA1 Ultra 規格差一截,但都比起 XA1 Ultra 便宜不少。無可否認的是,而家呢個價錢玩到 Sony 大芒手機,其實都算幾抵玩。你認為呢?

20050303_466889027003242_1125070063_o.jpg
▲ 據版主所知,XA Ultra 貨剩低唔多,而版主問旺角果間,就表示只有黑色。

Sony Xperia XA Ultra 在文章發表時,中原最平賣價為 $1908,按這裡有詳細規格及最新賣價
Sony Xperia XA1 Ultra 在文章發表時,3HK 網店賣價為 $2638,按這裡有詳細規格及最新賣價
iPhone 7 Plus (32GB) 在文章發表時,3HK 網店賣價為 $5888,按這裡有詳細規格及最新賣價
Alcatel A5 LED 在文章發表時,3HK 網店賣價為 $1318,按這裡有詳細規格及最新賣價

最新新聞