主題:一招學懂分辨 UFS 強與弱:三大旗艦 Sony、Samsung、HTC 比拼!

  • 發表時間:2017-07-13 20:38 收錄檢舉
    自從華為 P10 系列的「溝 ROM 事件」發生後,就連「廣場大媽」、「Telegram 大叔」都開始問本 YK 關於手機點樣睇 ROM 的速度和制式,慎防自己蝕底左比間廠! 咁又係,無人想同一個價錢有不同的享受。 坊間好多人教利用軟件進行 UFS 的讀寫速度鑑定,方法係無錯,但究竟係咪單憑一組數字高低就可以跳到結論呢? 去文!

    一招學懂分辨 UFS 強與弱:三大旗艦 Sony、Samsung、HTC 比拼!

    Androbench 測試前準備
    首先,關於論文型的詳細資料,如乜野係 eMMC、乜係 UFS、UFS2.1 同 UFS2.0 差異係乜,呢堆野係制式官網有嗮!好容易睇,申請一個免費賬號就全部可以下載,我唔浪費大家時間。簡單兩句:UFS 對比 eMMC 好處不單是速度,更重要係讀寫分開處理;UFS2.1 對比 UFS2.0 增強的不單是速度,更多的是功能。

    其實要講嘅內容唔多,基本上我 N 年前已經推薦使用韓國成均館大學旗下實驗室出品的 Androbench (Storage Benchmark),Android Play Store 傳送門,而呢款產品的官方網站就請到呢度。 Androbench 一路都有更新,最新一版是去年年底。下載完、安裝好,咁就直接用得? No! 為左公平起見,我準備左三部分別是 Sony Xperia XZ Premium (下稱 XZp)、Samsung Galaxy S8+ 和 HTC U11 的旗艦清水機,也就是全部清除資料並恢復原廠設定。

    更新了所有 app 後,我把三部機統統設為飛行模式、停止背景資料同步、清除多工暫存,然後進入 Androbench 開始我們的測試作業。上述的工序是要確保,手機沒有因為使用者額外安裝 App 導致 ROM 容量人為變少,以及沒有在後台自動存取讀寫 ROM。

    一招學懂分辨 UFS 強與弱:三大旗艦 Sony、Samsung、HTC 比拼!
    ▲乜都唔需要搞,簡單 Click 「Run All Benchmarks」,自動跑完比你睇。


    跑分結果一覽表
    以下是 Sony、Samsung、HTC 三機的讀寫測速結果:

    一招學懂分辨 UFS 強與弱:三大旗艦 Sony、Samsung、HTC 比拼!
    ▲ Sony XZp;

    一招學懂分辨 UFS 強與弱:三大旗艦 Sony、Samsung、HTC 比拼!
    ▲ Samsung S8+;

    一招學懂分辨 UFS 強與弱:三大旗艦 Sony、Samsung、HTC 比拼!
    ▲ HTC U11;


    跑分結果剖析
    結果出爐! Sony XZp 連續讀寫:701.23MB/s 及 196.53MB/s;Samsung S8+ 連續讀寫:710MB/s 及 206.75MB/s;HTC 連續讀寫:718.97MB/s 及 208.38MB/s。坊間教你睇連續讀寫速度(Sequential Read / Write )去決定邊部機好,就咁睇 HTC U11 不論讀寫速度都贏嗮,咁姐係佢最快最順? 其實咁樣結論係唔正確。

    畢竟根據我對常人手機使用習慣的了解,無幾多位同道中人會日日抄寫單一大檔(如愛情片動作片)落手機或過翻落電腦! 一般的使用上都是屬於手機 App 的存取,屬於分散型、多獨立小檔案的讀寫操作,所以比重上應該要更多考慮 Random Read / Write (隨機讀寫)速度!

    Sony XZp 隨機讀寫:90.78MB/s 及 17.47MB/s ;Samsung S8+ 隨機讀寫:138.33MB/s 及 25.47MB/s;HTC U11 隨機讀寫:93.64MB/s 及 86.4MB/s。問題來了:咁要考慮讀 or 寫的速度? 同樣的問題套用到電腦購置 SSD 上,各路英雄都會告訴你是「寫」的速度比較重要! 道理跟你買了一張號稱速度很快的記憶卡,但實際上只是讀取速度快,而寫入速度慢會拖累你連拍、4K 錄影等高流量操作。 所以結論是:HTC U11 的讀寫性能是三機中最好!


    後記
    我後來才發現,不是人人都知道 SQLite 的結果也可以揭示手機的存取性能! 「TPS」簡單來講就是每秒能夠處理多少條命令,數值越多越好,說明手機能承受的存取負荷就越高。問我為何無 LG 手機? 佢未出 835 機嘛~

    本來我無想過要寫咁多字來解釋手機存取性能,但發現不少網友一知半解之餘,大部分媒體解說也含糊不清。 所以,版主都建議本 YK 寫一篇相關的測試文章,讓網友們參與分享和討論。 大家可以根據上面的步驟,自行試測手機讀寫速度,將你得到嘅結果「Cap 圖」同大家分享啦!


    20170717 補充:不少網友 Inbox 問,查詢究竟文中測試的手機是不是頂配版? 還是採用混搭型號測試? 皆因個別品牌會推出不同 ROM 容量的版本。 我在此澄清一下:文中所用到的手機全是香港行貨能買得到的頂配版,而本人亦不會刻意設立不公平的測試條件,謝謝。

    立即加入Facebook 專頁,新聞/消息/優惠,最快知。

    01樓 ▲TOP 回列表頁