旅行好實用！買 Sony 手機送 6 合 1 旅行套裝，網友喜歡不？

左定坤 (Cho Ting Kwan) 2017-07-29 13:37 | Sony

似乎自 Xperia XZ Premium 開始，Sony 手機的減價好像少左好多，唔睇 S835 旗艦，淨係睇下中階系列 XA1 Ultra，到而家依然企硬唔減，大舖仲係賣緊 $3298。雖然 S835 旗艦機最近都終於有得減，但都係減左 $200，未必滿足到網友買機的意慾，但如果而家買 Sony 手機，會送埋「6 合 1 旅行收納套裝」或者「可摺式輕便旅行袋」，網友又覺得諗唔諗得過呢？



由即日起只要到指定特約經銷商購買香港及澳門行貨 Sony Xperia XZ Premium 或 XZs，即有機會獲贈「6-in-1 旅行收納套裝」乙個，套裝包括衣物收納袋、內衣收納袋 (兩個)、鞋履收納袋、電線收納袋以及化妝袋，價值 $649 (限量 8000 套)。另外，如果購買 Sony Xperia XA1 Ultra，即可獲贈「可摺式輕便旅行袋」乙個，價值港幣 $349 (限量 5000 個)。買手機雖然價無減，但有呢兩件旅行用品送，又係咪划算呢？還是覺得，應該直接減價仲好呢？留言討論下啦！