上代旗艦跌穿四千大關!好抵?
先由旗艦說起,說的是 Sony Xperia XZs,上個月初先講到呢部手機減價至 $4498,而舊代的 Xperia XZ,亦都在今個月跌到 $3298,以差不多 specs 來看,其實版主都覺得,XZ 以及 XZs 兩部手機的價錢,無理由會差那麼遠,那時我已猜測,XZs 應該很快就會跌價。不出版主所料,來到今個星期,版主發現 XZs 真的跌價了!跌穿四千大關,最新賣價為 $3998,網友又覺得是否一個入手的好時機呢?六吋巨芒新機終於肯減!減 $300 又有無吸引力呢?
至於邊部 Sony 六吋巨芒手機減價,相信來來去去都是果兩部,唔係 XA1 Ultra,就係上代的 XA Ultra。今次減價的是 XA1 Ultra,開賣之後同旗艦系列一樣,又係一蚊都唔肯減,企硬 $3298。好老實的說,雖然今代 XA1 Ultra 配置上來說算是挺吸引的,至少都有 4GB / 64GB 的組合,但呢個價錢又確係高了一點。不過,想不到最近 Sony 手機一減,就連 XA1 Ultra 都一併跌價,平多 $300,最新賣價為 $2998,呢個價似乎勉強都可以考慮一下。你有興趣嗎?Sony Xperia XZs 在文章發表時,大舖賣價為 $3998,按這裡有詳細規格及最新賣價。
Sony Xperia XA1 Ultra 在文章發表時,大舖賣價為 $2998,按這裡有詳細規格及最新賣價。