主題:二千價位鬥性價比!Sony 中階手機 力戰三星 / 魅族 / Nokia

ePrice HK
  • 發表時間:2017-10-11 20:34 收錄檢舉
    老實講,呢排個市都好靜,又無乜手機減價,旗艦新機又出得七七八八,要等嘅都係等 LG V30、華為 Mate 10、HTC U11 Plus。雖然旗艦方面就未有新機,但中階機種近期就多左幾部,當中最新果部係來自 Sony 的,二千幾蚊價位,你又覺得會唔會抵玩過三星、HTC、Nokia 呢?齊齊比較一下啦!

    二千價位鬥性價比!Sony 中階手機 力戰三星 / 魅族 / Nokia
     

    Sony XA1 Plus 開賣,大舖一出即減 $200

    最新在香港開賣的中階手機,係來自 Sony 的 Xperia XA1 Plus,10 / 10 起正式開賣,大舖有「即減 $200」優惠,現時賣價為 $2798。雖然見到有個 Plus 字,但並不像 Ultra 系列般有 6 吋大芒,佢只有 5.5 吋 1080p 屏幕,設計都是跟以往一樣的風格,金屬機身配窄邊框,無乜太大特別之處,而配置上亦不過是用 MTK Helio P20 處理器,內置 4GB RAM + 32GB ROM,並具有 2300 萬像素主鏡頭以及 800 萬像素前置鏡頭。整體上沒有太大 Gimmick,正正常常一部手機,二千幾蚊價位你覺得值唔值呢?

    二千價位鬥性價比!Sony 中階手機 力戰三星 / 魅族 / Nokia
    ▲ Sony Xperia XA1 Plus 一出即減 $200,最新賣價為 $2798。
     

    三星 / 魅族 / Nokia 會更抵玩?

    不過如果俾我揀,版主個人覺得同樣是近期開賣的三星 Galaxy C8,更有吸引力、更抵玩。Galaxy C8 大舖 32GB 賣價為 $2598,而 64GB 賣價則為 $2998,雖然同 Sony 一樣都係用 MTK U,不過 C8 用的是 P25 處理器,而版主都曾經向 Promotor 問過,聽說今次三星之所以會選擇用 P25,是因為呢粒 U 係同 C8 的雙鏡頭最夾的。咁佢講就咁講,信不信就由你~但版主都有去衛訊玩過部機,確實比起其他 C 系列手機,影相表現進步了太多,以呢個價位來說,算係一部值得入手的平價手機。

    而除左三星 C8,魅族 PRO 7 同樣有 P25 處理器 + 雙鏡頭,有 4GB RAM + 64GB ROM,配備雙屏幕設計,當中隻紅色都幾美觀下,賣價為 $2899,都係一個可考慮的選擇。

    以二千價位手機來說,性價比最高的,可能都是 Nokia 6,大舖賣價雖然沒有「即減」,但本身 $2088 呢個價錢,其實已經不算貴。Nokia 6 具有 5.5 吋 1080p 屏幕,配備 S430 處理器,內置 4GB RAM 以及 64GB ROM,用來做後備機,都可以說是一流。以上幾部二千幾蚊的中階手機當中,邊部你會揀呢?

    二千價位鬥性價比!Sony 中階手機 力戰三星 / 魅族 / Nokia
    ▲ 如果二千價位來說,Galaxy C8 算是我比較覺得用得過的手機,雖然係用 MTK U,但影相方面比起以前 C 系列進步了不少。

    二千價位鬥性價比!Sony 中階手機 力戰三星 / 魅族 / Nokia
    ▲ 魅族個 specs 同三星 C8 差不多,不過我覺得佢係賣樣嘅,當中 PRO 7 的紅色版本,確係幾靚嘅~而且副屏幕都幾實用,特別適合鍾意自拍的網友。

    二千價位鬥性價比!Sony 中階手機 力戰三星 / 魅族 / Nokia
    ▲ Nokia 6 配置上其實就比起上述咁多部機低階,不過二千一都唔使已經有 4GB + 64GB 玩,已經算係好抵。你又會點揀呢?

    Sony Xperia XA1 Plus 在文章發表時,大舖賣價為 $2798,按這裡有詳細規格及最新賣價
    Samsung Galaxy C8 (32GB) 在文章發表時,大舖賣價為 $2598,按這裡有詳細規格及最新賣價
    Samsung Galaxy C8 (64GB) 在文章發表時,大舖賣價為 $2998,按這裡有詳細規格及最新賣價
    魅族 PRO 7 在文章發表時,大舖賣價為 $2899,按這裡有詳細規格及最新賣價
    Nokia 6 在文章發表時,大舖賣價為 $2088,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁