Sony 旗艦又有新低價!大舖劈價千四 網友會敗?

左定坤 (Cho Ting Kwan) 2017-10-12 20:18 | Sony
近呢兩年間,可以見到有不少廠商都一改手機的設計風格,希望可以帶給網友全新感覺,就好似 HTC、LG,甚至是三星,都已經朝着高屏佔比的方向進發。在眾多個手機品牌之中,設計上仍然是一成不變的,相信不少網友第一時間會想起 Sony。也許是因為這個原因,真粉絲可能會繼續用佢,但就比較難去吸納更多新粉絲 (個人覺得係咁XD)。雖然說 Sony 高層已確認,明年會有新設計,但在此之前,都要想辦法去將現有旗艦清貨。唯一可以做的,就是減價。劈價千四蚊,網友又會敗嗎?

Sony(Facebook).jpg

今次要講的減價旗艦機種,是 Sony Xperia XZs,雖然見到豐澤、衛訊、百老匯價錢仲未有變動,依然係賣緊 $3998,不過蘇寧已經搶先一步,將 XZs 再減至一個新低價:「即減 $1400」,相比其餘三間大舖便宜一百蚊,現時大舖最平賣價為 $3898。最令人可惜的是,現時最新的 S835 手機暫未見有減價,XZ Premium 仲係企硬 $5498,而 XZ1 則賣緊 $4998。

22531996_504926129866198_1413643232_o.jpg

至於下一次減價會係幾時呢?版主預計,當 LG V30 香港開賣之後,Sony 的旗艦手機價格,將會再有一次調整。另外,你又覺得 Sony 手機應該要怎樣改變,才能重新提高其吸引力呢?留言講下你嘅意見啦!

Sony Xperia XZs 在文章發表時,大舖賣價為 $3898,按這裡有詳細規格及最新賣價

最新新聞