今次減價的 Sony S835 旗艦，是 Xperia XZ1，其實呢部機都減得幾密下，上個月中後期先減過一次價至 $4698，今個星期居然又再減價，而且一減減多七百，最新賣價為 $3998。雖然係比 LG G6 貴 $200，不過唔好忘記，G6 只係用緊上代 S821 U，而 XZ1 係用緊目前仲係最強的 S835 U，相差果 $200 其實唔過份，而如果你係 SmarTone 客戶，仲可以客戶簽約價 $3498 購得。呢個價位，應該可以說是目前最平價的非大陸品牌 S835 旗艦。
想要正常 size 有 XZ1，想要細機有 XZ1 Compact，兩部都係賣 $3998，你想點揀就點揀，性價比確係不低。好似其他非大陸品牌 S835 旗艦，仲係一直將個價企硬，HTC U11 $4998，LG V30+ $5998，而家 XZ1 咁平，網友會唔會破例諗下佢呢？
Sony Xperia XZ1 在文章發表時，大舖賣價為 $3998，按這裡有詳細規格及最新賣價。