六吋「真大芒」有廣角 OIS 雙前鏡!Sony XA2 Ultra 上手評測

左定坤 (Cho Ting Kwan) 2018-01-23 19:08 | Sony
三星、HTC、Sony 上半年的中階機款 - Galaxy A8+、HTC U11 EYEs 以及 Sony Xperia XA2 / XA2 Ultra,終於都全部在香港發表了,有哂價錢,網友覺得邊部吸引,邊部抵玩啲呢?版主之前就話,暫時呢幾部中階機之中,未有一部可以吸引到我。對唔住,我要收返呢句說話!今日真係上手玩過 Xperia XA2 Ultra 之後,雖然外觀上同以前無乜大變動,沒有 18:9 芒,但比起上兩代的 XA Ultra 同 XA1 Ultra,呢部個競爭力大好多。想知有乜咁好?即日上手評測,同大家分享一下!

Sony(Facebook).jpg

今日發表的 Sony Xperia XA2 以及 XA2 Ultra,兩部手機雖然個 specs 並不相差太遠,但我認為真係各有所長。論手感,版主比較鍾意 Xperia XA2,可能因為自己手細,5.2 吋的 Xperia XA2 相對會比較易駕馭一點;相反,Xperia XA2 Ultra 有 6 吋大芒,而且唔係 18:9 芒,而係 16:9 的「真大芒」,無錯視覺享受會較細芒機出色,但手感方面真係完敗俾 Xperia XA2。不過,對於版主來說,Xperia XA2 Ultra 有一個好的地方,係 Xperia XA2 做唔到的,而亦因為呢個原因,我會選擇換佢做後備機。到底最吸引的地方在哪呢?賣下關子先,之後再講。

27335299_551331761892301_1850822185_o.jpg
▲ 先睇下 Sony Xperia XA2 Ultra。叫得「Ultra」,大芒一向是 XA Ultra 系列的賣點。XA2 Ultra 用上 6 吋屏幕,唔係時下流行的 18:9 芒,而係以前 16:9 的「真大芒」,解像度為 1080p。鍾意大芒的網友,喜歡嗎?

27157346_551331838558960_57555569_n.jpg
▲ Sony 的字樣設於屏幕的上方,值得留意的是,今代的 Xperia XA2 Ultra,擁有雙前置相機,玩的不是人像模式,將背景 blur 哂來突出人像,而是好似 LG 咁,玩廣角拍攝,似乎玩味性會更高,而且更實用。

27044565_551331925225618_446035160_n.jpg
▲ 同埋都要留意番啦,雖然設計上沒有甚麼特別,同以前差不多,但上下巴部份似乎相比以前更為收窄。

27144712_551331768558967_600519615_o.jpg
▲ 機背用上金屬材質,配合鋁合金邊框設計,令整體感覺更有金屬感。

20706215_551331801892297_1084473801_o.jpg
▲ 繼 Xperia XA1 Plus 之後,Sony 再次在其中階機系列中,加入指紋辨識功能。值得一提的是,Xperia XA2 Ultra 的指紋辨識鍵,並不如以往 Sony 手機般設於機身右側,而是放回到機背位置。而指紋辨識鍵的上方,則是 2300 萬像素的主鏡頭,鏡頭被銀色金屬圍住,更添型格感覺。

26853957_551331805225630_170503748_o.jpg
▲ 手機右側上方是音量鍵以及圓點形的開關鍵。

27264975_551331835225627_805831285_o.jpg
▲ 同以往的 Sony 手機一樣,右側下方都會有實體的快門鍵。

27265515_551331831892294_1379675334_o.jpg
▲ 機底有 USB Type-C 插槽以及喇叭。

27144925_551331928558951_1114762735_o.jpg
▲ 機底則是有 3.5mm 耳機孔。

27144571_551331748558969_444841319_o.jpg
▲ XA2 Ultra 一共有四種顏色,分別為銀色、黑色、金色以及紫藍色。

27265350_551331941892283_1163121072_o.jpg
▲ 6 吋大芒睇片打機視覺體驗係好呀,但對我來說太大部了。論手感,5.2 吋的 Xperia XA2 好揸手一點。

27265071_551343818557762_1477113009_o.jpg
▲ Sony Xperia XA2 以及 Xperia XA2 Ultra 尺寸比較。另外可以見到,兩機外型設計幾乎是完全一樣,只是 XA2 Ultra 前置相機多了雙鏡頭設計。

用 S630 U,Sony Xperia XA2 Ultra 有 4GB RAM,效能分數立即睇!

其中一個驚喜是,Sony Xperia XA2 Ultra 終於放棄不用 MTK 處理器,而是改用 Qualcomm S630 處理器,成日把口鬧 MTK U 呢樣唔好果樣唔好的網友,今次應該無聲出了吧?另外,兩部手機的記憶體以及儲存容量都不同,5.2 吋芒的 Xperia XA2,內置 3GB RAM 以及 32GB ROM,而 6 吋芒的 Xperia XA2 Ultra 則內置 4GB RAM 以及 64GB ROM,兩部手機都能夠插 microSD 卡,並運行 Android 8.0。不過,記憶體同儲存容量,都不會明顯地影響到手機的跑分,所以版主就淨係用 Xperia XA2 Ultra 來做個安兔兔跑分,睇下結果如何。

跑分1.png跑分2.png
▲ 根據安兔兔跑分結果顯示,配備 S630 處理器、4GB RAM 以及 64GB ROM 的 Xperia XA2 Ultra,跑出分數為 72329 分,算是意料之內的分數,而 3D 成績也不過是 18453 分,用來玩要求好高嘅 Game,就玩唔到了。畢竟 S630 只是 S626 處理器的升級版,本身 GPU 能力並不是太好。

23MP 主相機,最高支援 ISO 12800!XA2 Ultra 仲有雙鏡頭 + OIS 防震!

最吸引到版主的,應該是 Sony Xperia XA2 Ultra 的自拍相機。今代的 Xperia XA2 Ultra 採用了 1600 萬 + 800 萬像素雙前置鏡頭設計,而雙鏡頭的作用,並不如普遍手機般做到「人像模式」,在拍攝時將背景虛化,而是作廣角的用途,能夠支持 120 度的超廣角拍攝。而且 XA2 Ultra 的前置相機,更支持 OIS 光學防手震功能,配合前置閃光燈以及特設的夜景肖像模式,在昏暗環境下自拍,XA2 Ultra 會有不少的優勢。

不過,Sony Xperia XA2 Ultra 的主鏡頭都不算太差,配備 2300 萬像素主鏡頭以及 1/2.3" Exmor RS 影像感測器,並且可以支持最高 ISO 12800 感光度,好處係在低光環境下都能夠影到清晰的影像。

主相機試拍
DSC_0009.JPG
▲ Sony Xperia XA2 Ultra 主相機預設為 20MP 16:9 的相片。

DSC_0012.JPG  DSC_0011.JPG
▲ 版主後來都係決定將相機 set 番去 2300 萬像素 (4:3),但大家可以睇到當拍攝最高像素照片時,成像表現會如何。右圖是在背光的情況下拍攝的,如果 auto focus 的話,會好暗唔係太睇得清楚個路牌,但如果用手指點一點個路牌,又會覺得好似好光咁,不是太自然,你覺得呢?

DSC_0014.JPG  DSC_0015.JPG
▲ 以往 Sony 手機影出來的成像,會有好明顯的油畫化情況,但現在 Sony 手機的油畫化情況已經大大改善左。

DSC_0016.JPG  DSC_0017.JPG
▲ 題外話,版主成日出旺角工作,都唔知附近有這樣一個塗鴉牆。放大來看,可以見到細緻度相當高,牆上的紋理都能夠清楚可見。

前置相機試拍
 DSC_0003.JPGDSC_0006.JPG
▲ 左圖為普通模式,而右圖則為超廣角模式。版主覺得呢個功能相當有用,特別是當一大班朋友出去玩的時候,可以自拍的手機唔再來來去去都是 LG 了!另外,如果風景比較靚的話,超廣角模式亦都可以在自拍的同時,連背景都影埋,令整張照片可以有多點襯托。

DSC_0021.JPG
▲ 發佈會會場的 Model 姐姐,自拍係用直向的,不過版主就覺得,如果影超廣角照片的話,其實橫向拍攝會效果會更不錯!

小結

雖然 Sony Xperia XA2 Ultra,用 S630 U 跑分並不高,但如果論性價比來說,$3498 呢個價錢,確實有相當的吸引力。而且別忘記,按照慣例應該都會有一出即減,保守估計第一減應該會即減 $300,之後第二減會即減 $500 (以上估架咋,大舖都未有消息 XD 印象中果陣 XA1 Ultra 好似都係咁)。  如果係咁,三千蚊左右買呢部真大芒 Xperia XA2 Ultra,而且仲可以玩到 OIS + 廣角前置鏡頭,個人覺得相比三星 Galaxy A8+、HTC U11 EYEs 更有吸引力,起碼配置同價錢算是成正比例!至於 5.2 吋的 Xperia XA2,賣 $2698 同樣並不昂貴,而且手感亦相當好,但因為沒有支持廣角的雙前置相機設計,版主還是會傾向用 Xperia XA2 Ultra 多些。

三星、HTC、Sony 推出的中階手機,不知網友又會傾向邊部多些呢?留言討論下啦!

Sony Xperia XA2 在文章發表時,預計將於 2 月 9 日上市,建議零售價為 $2698,按這裡有詳細規格及最新賣價
Sony Xperia XA2 Ultra 在文章發表時,預計將於 2 月 9 日上市,建議零售價為 $3498,按這裡有詳細規格及最新賣價

相關產品 (2)

相關報導 (7)

衛訊一、二月優惠!二千唔駛 Sony 六吋大芒機最抵!

衛訊一、二月優惠!二千唔駛 Sony 六吋大芒機最抵!

每個月第一日,多數係公眾假期,亦係大型電器連鎖店轉信用卡優惠嘅時間。一、二月,輪到衛訊轉優惠:今次佢哋大新信用卡合作。但若果你無呢間銀行嘅信用下,一樣可以買到呢期嘅特價手機,四款之中,以Sony六吋大芒手機最合網友心水、一款FeaturePhone好合行山嘅老友記、仲有若果你想換一部有埋Keyboard嘅機,黑莓Key2減到同呢排推出嘅次款Key2LE差唔多價,無理由差少少買差好多嘅降規版本吧。

Keith Yim | 2019-01-01
6 吋窄邊框,雙前相機首度登場!Sony Xperia XA2 Ultra 評測

6 吋窄邊框,雙前相機首度登場!Sony Xperia XA2 Ultra 評測

在2018年的一開始,SonyMobile就帶來了XA2、XA2Ultra新機都已經上市,其中以XA2Ultra最為高階;承襲XA系列的超窄邊框,以及Ultra主打的超大螢幕和自拍功能以外,還帶來了SonyXperia手機首見的雙前鏡頭設計。XA2Ultra的前相機除了支援OIS的1,600萬像素主相機,還新增支援120°拍攝的800萬像素廣角相機,前相機的戰力大躍進。

Keith Yim | 2018-02-19
真係等到二月!Sony Xperia XA2 / XA2 Ultra 賣價+優惠確定

真係等到二月!Sony Xperia XA2 / XA2 Ultra 賣價+優惠確定

版主自進入2018年,已多次提到各廠的旗艦手機未到,先來一樣中檔規格嘅型號大比拼。搶先賣嘅係HTCU11Eyes,SamsungGalaxyA8+(2018)都會係一月上市,咁Sony呢?佢地係官方面書多次講及XA2與XA2Ultra要二月先推出。唔係喎,版主之前話一月份架喎!但今日確定了,至少要否等到狗年後先買到?要留意了!

Keith Yim | 2018-01-23
六吋「真大芒」有廣角 OIS 雙前鏡!Sony XA2 Ultra 上手評測

六吋「真大芒」有廣角 OIS 雙前鏡!Sony XA2 Ultra 上手評測

三星、HTC、Sony上半年的中階機款-GalaxyA8+、HTCU11EYEs以及SonyXperiaXA2/XA2Ultra,終於都全部在香港發表了,有哂價錢,網友覺得邊部吸引,邊部抵玩啲呢?版主之前就話,暫時呢幾部中階機之中,未有一部可以吸引到我。對唔住,我要收返呢句說話!今日真係上手玩過XperiaXA2Ultra之後,雖然外觀上同以前無乜大變動,沒有18:9芒,但比起上兩代的XAUltra同XA1Ultra,呢部個競爭力大好多。想知有乜咁好?即日上

左定坤 (Cho Ting Kwan) | 2018-01-23
爆晒 HTC U11 EYEs、Sony XA2 Ultra 、三星 A8+ 賣價!你點揀

爆晒 HTC U11 EYEs、Sony XA2 Ultra 、三星 A8+ 賣價!你點揀

2018年的旗艦手機未推出,先來最實際的搶銷量戰爭!眾所周知,中價手機,其實最多人買,係一月份,HTC、Samsung、Sony三個手機大品牌,都推出三千至四千左右嘅新手機,邊一款網友最Buy?版主已掌握到三款手機嘅香港建議零售價,而U11EYEs嘅大舖即減價亦出了!

Keith Yim | 2018-01-15
慳電 U + 六吋大芒!Sony Xperia XA2 Ultra 初評測 +爆香港賣價

慳電 U + 六吋大芒!Sony Xperia XA2 Ultra 初評測 +爆香港賣價

以版主多年觀察網友最愛嘅手機類型,只要手機屏幕夠大,例如去到六吋左右,加上大品牌效應,價錢又到位,多數是最多人真係俾錢會買會用嘅型號。好似SonyMobile,係2018第一批手機,唔係旗艦,反而係中檔規格。雖然中檔,但XperiaXA2Ultra有著幾個優勢:六吋FullHD芒+真三卡槽+Qualcomm慳電CPU。你估今次賣幾錢?睇完下面呢個「初評測」再跟大家分享一下,版主已知嘅賣價

Keith Yim | 2018-01-09
六吋大芒 +S630 處理器!Sony Xperia XA2 Ultra、XA2 發表

六吋大芒 +S630 處理器!Sony Xperia XA2 Ultra、XA2 發表

許久沒在CES發表新手機的Sony,暌違多年的於CES2018展前發表了兩款Xperia新機,分別是採用5.2吋屏幕的XperiaXA2以及採用6吋屏幕XperiaXA2Ultra。這兩款Sony新機大致上延續了過去Xperia手機的外觀設計語言,同時均採用高通S630處理器,屬於中階定位產品;同時都內建指紋辨識器設計,而且是設置在機背。當中的XperiaXA2Ultra更是首款配置雙前鏡頭的SonyXperia手機。SonyXpe

Keith Yim | 2018-01-08

最新新聞