首先重溫一下 Sony Xperia XZ2 行貨的消息，呢部 S845 旗艦新機而家在各大舖接受預訂，並將會在 23 / 3 正式開賣，建議零售價為 $6198，雖然都唔算話好平，但如果相比起對手 Samsung Galaxy S9+ 6GB / 64GB 的價錢來說，其實 XZ2 個價又算可以接受嘅。唔知你同唔同意呢？
Sony 手機成日唔改設計，就俾人鬧，但今次改完設計之後，又似乎未必做到 Sony 迷想要的東西，對於這點，版主其實十分認同。然而，真粉絲眼光絕對是獨特的，就好像版主身邊有朋友係忠實 Sony 迷，我就趁這個機會問問他，到底它怎樣看這部 XZ2。而他的第一句答案就是：外型就幾靚嘅......明白哂，無咩事我返出去先......
不過，各花入各眼，儘管換了設計，但總會有人喜歡的 (老實又唔可以話係非常差，只能說失去日系手機的設計)。如果已經等得唔耐煩，好心急想快啲用到 Sony Xperia XZ2，講個消息大家知，XZ2 水貨今日已經抵達旺角先達，不過行貨都未出，實係會有水位，「頭水」賣價為 $6900，相比建議零售價高出 $700 左右，你又點睇呢？
Sony Xperia XZ2 在文章發表時，將於 23/3 開賣，建議零售價為 $6198，按這裡有詳細規格及最新賣價。
查詢及鳴謝: 三禾電氣23740618 （旺角） 23740718 （銅鑼灣）