大舖最平價 S630 手機? Sony Xperia XA2 大舖現新低價
Sony 的 S630 手機有兩部,一部是 Xperia XA2,而另一部則是 Xperia XA2 Ultra。今次出現減價的,正正是細機版的 Xperia XA2,建議零售價 $2698,之前一直只係做緊「即減 $200」,即賣 $2498,最近減多 $300,最新賣價為 $2198,唔知跌穿網友心理關口未呢?Xperia XA2 個 Specs 都唔算好差,用上 5.2 吋 16:9 全高清芒,機身仲係用緊方方正正、未經改造前的設計,呢個設計個人覺得是最好的。至少,能夠讓人一眼就能看出是 Sony 手機,唔會被人誤會是其他廠商手機,這點已經是相當重要。另外,Xperia XA2 配備了 Qualcomm S630 處理器,內置 3GB RAM 以及 32GB ROM,而且具有 3300mAh 電池,以 Sony 手機來說,呢個電量已經算大了。
咁多部 S630 手機,邊部你會揀?
要注意,點解強調是大舖最平價呢?因為大舖有賣的,還有 Sony Xperia XA2 Ultra、ASUS ZenFone 4 標準版以及 Nokia 6.1 (已確定包裝盒都是寫着 Nokia 6.1),三部手機最新賣價分別為 $3198、$2398 以及 $2288,價錢來看全部都不及 Xperia XA2 便宜。然而,不要忘記數碼通有部 Sharp AQUOS S2 低配版,同樣 S630 仲要有 4GB + 64GB,都不過是賣緊 $1780,就似乎是比 Xperia XA2 還要抵玩。咁多部 S630 手機之中,你又會點抉擇呢?留言討論下啦!Sony Xperia XA2 在文章發表時,大舖賣價為 $2198,按這裡有詳細規格及最新賣價。
Sony Xperia XA2 Ultra 在文章發表時,大舖賣價為 $3198,按這裡有詳細規格及最新賣價。
ASUS ZenFone 4 (S630) 在文章發表時,大舖賣價為 $2398,按這裡有詳細規格及最新賣價。
Nokia 6.1 在文章發表時,大舖賣價為 $2288,按這裡有詳細規格及最新賣價。
Sharp AQUOS S2 (標配版) 在文章發表時,數碼通賣價為 $1780,按這裡有詳細規格及最新賣價。