Sony Xperia 10 Plus 評測!21:9 長芒大戰韓系穿窿芒

管理員 2019-03-13 06:58 | Sony
大家都認為手機屏幕越大,邊框越窄越好看,結果造就「穿窿芒」的出現,即係屏幕頂方都會開「窿」,可以係中間、亦可以係左或右,總之令手機屏幕變成缺憾。因為似乎間間手機廠都用,網友似乎只有無奈接受。Sony 今年推出全新 Xperia 手機,沒有追上「穿窿芒」潮流,反而引入 21:9 超闊屏幕比例。以最近上市嘅 Sony Xperia 10 Plus  為例,窄長的機身比起同期韓系「穿窿芒」手機,都要來得好睇;超闊屏幕,亦比較實用,唔信?今次我哋比較一下。

fb02.jpg
sony01.jpg


21:9 超闊屏幕領導潮流

有無發現,手機屏幕越來越闊,但無論是 16:9 或者近年流行的 18:9 比例,都不是大家在電影院睇到的真正超闊屏幕比例。今年 Sony 會引進 21:9 比例屏幕至手機裡面,做到電影院級數的 Utimate Wide。Sony Xperia 10 Plus 就是其中一部,賣價更係三千蚊樓下,是性價比好高的型號。咁你會問,有無片源呀?其實開始有架啦!香港人成日睇的 Netflix 已經有 Utimate Wide 解像度影片,而 YouTube 亦有不少作品。所以 21:9 屏幕,其實於手機睇片來講,會越來越有優勢。

日系 21:9 vs 韓系 18:9 「穿窿芒」

買手機,大部份人都係外型先決。Sony Xperia 10 Plus 用 21:9 超闊屏幕比較好睇,定係韓系手機用 「穿窿芒」好睇?用文字講,不如用相片比較一下,大家就知「穿窿芒」其實好難攪!
   ▲ Xperia 10 Plus 與韓式「穿窿芒」手機,一個方角,一個圓角,本來就各有所愛。

a03.jpg
▲ 只要把手機背色轉用非深黑色,右面是韓式「穿窿芒」手機就會在屏幕左上角見到好大個黑洞,其實是前置鏡頭來。這個設計把手機的美感都打破了!左面的 Sony Xperia 10 Plus 則正正常常保持原本的優良設計。
   ▲ 右面的韓系手機,要用背景圖案左上角打黑把「穿窿芒」收起來,感覺古怪;左面的 Sony Xperia 10 Plus 不需要這個騙術。

21:9 屏幕具戲院感

Sony Xperia 10 Plus 是今年 Sony 首批推出具 21:9 屏幕比例的手機。你可能會話,現在很多手機已是 18:9 比例,差距不會太大。首先,21:9 的串流電影片源會越來越多,以香港人好受落的 Netflix,裡面的電影已支援 21:9 電影院級比例輸出,用 Xperia 10 Plus 就可以睇得晒。相反,今次用來比拼的韓式穿窿芒手機,因為要遷就穿窿芒的黑洞圓點,播放時屏幕尺吋會細咗,感覺差好遠,以下圖片比較得一清二楚。

a08.jpg

a07.jpg
▲ 細心留意,係 Netflix 上面睇 21:9 比例的電影,韓式穿窿芒手機本來是用上「穿窿芒」設計去換上更高的屏佔比,但係播放 Netflix 時,手機會把屏幕拉細,上、下都有邊。比較之下,穿窿芒設計,對睇片幫助不大。相反,Xperia 10 Plus  的 21:9 比例,真係令用家睇得更多!

一個屏幕做兩樣嘢

自 Android 7 版本後,Android 手機本身已支援多視窗用戶界面,等你可以一個芒同時睇到兩個 App 的內容。你可以睇住 YouTube 直播,再睇住 Facebook 更新。不過,若果屏幕不夠長或不夠濶,睇得都幾辛苦。Sony Xperia 10 Plus 的 21:9 比例令分割劃面,可以做到兩個 16:9 屏幕,我們比較過,Xperia 10 Plus 視野比同期「穿窿芒」手機更加廣。

a18.jpg
▲ Sony Xperia 10 Plus 因為 21:9 闊屏幕,加上有 6.5 吋大,內容都顯示得好清楚。

a12a.jpg a15.jpg
▲ 無論屏幕打直或打橫,都可以見到 Sony Xperia 10 Plus 比起「穿窿芒」都睇得更多。而直向时,Xperia 10 Plus  更做到雙 16:9 比例效果。

a12.JPG a13.JPG
▲ 若果你好愛在手機閱讀文章,Xperia 10 Plus 的 21:9 屏幕,都比「穿窿芒」手機睇多幾行

sony02.jpg
▲ 操作方面,Xperia 10 Plus 雖然有 6.5 吋大芒,但因為採用了 21:9  比例,機身其實好窄身。短手的我,可以一手推至 3/4 屏幕。與此同時,Xperia 10 Plus 有單手模式,還有側屏感應介面,開啟後,只要點算機右向邊側,會見到側屏感應介面,顯示常用嘅 App Icon,單手操控也好容易。


▲最後 Xperia  10 plus 用上機側指紋,就在開關鍵的下方,一樣做到一按即 unlock 手機屏幕鎖,操控比起機背指紋更加方便。

小結:21:9 屏幕,實用又好睇

雖然「穿窿芒」手機成行成市,好多手機品牌都有推出相類款式,連韓國手機品牌也不例外。其實,Sony 改為採用 21:9 屏幕,以最近推出的 Xperia 10 Plus 為例,經過比較,比起韓系「穿窿芒」手機,更加用得盡屏幕,又為手機帶來更加窄身的好處。大家識揀啦!

sony03.jpg
▲ 6.5 吋屏幕的 Sony Xperia 10 Plus,其實相當窄身,放入褲袋沒有難度。

資料由客戶提供

相關產品 (1)

相關報導 (3)

Sony Xperia 10 Plus 評測!21:9 長芒大戰韓系穿窿芒

Sony Xperia 10 Plus 評測!21:9 長芒大戰韓系穿窿芒

大家都認為手機屏幕越大,邊框越窄越好看,結果造就「穿窿芒」的出現,即係屏幕頂方都會開「窿」,可以係中間、亦可以係左或右,總之令手機屏幕變成缺憾。Sony今年推出全新Xperia手機,引入21:9超闊屏幕比例。以最近上市嘅SonyXperia10Plus為例,窄長的機身比起同期韓系「穿窿芒」手機,都要來得好睇;超闊屏幕,亦比較實用,唔信?今次我哋比較一下。

管理員 | 2019-03-15
日本式設計開心再嚟!Sony Xperia 10 & 10 Plus  + L3 實機評測

日本式設計開心再嚟!Sony Xperia 10 & 10 Plus + L3 實機評測

剛剛於西班牙巴塞隆拿發表旗下2019上半年新品的SonyMobile,旋即在香港開賣其中三款:Xperia10、Xperia10Plus、以及XperiaL3。今年Sony出新機,最開心係日本式嘅設計,開開心再嚟,比起市場同價嘅手機,真係靚好多!唔信?立即睇睇。

inno | 2019-02-27
Ultra 巨芒後繼機!Sony Xperia 10 系列抵港,搶先睇香港賣價 + 上市資訊

Ultra 巨芒後繼機!Sony Xperia 10 系列抵港,搶先睇香港賣價 + 上市資訊

昨日Sony才在巴塞發表新機,包括有旗艦系列的Xperia1,中階系列的Xperia10/10Plus,以及入門系列的XperiaL3,沒想到香港今日就開發佈會—發佈Xperia1?我都想,可惜時候未到。率先在香港發佈的,是中階系列雙機。在發佈會開始之前,版主就搶先得知Xperia10/10Plus的香港賣價,以及開賣日期,這個價是否抵玩呢?看下文吧!

左定坤 (Cho Ting Kwan) | 2019-02-26

最新新聞