對焦快 G4 近一倍 + 3GB RAM 三千有找!呢部新旗艦抵唔抵玩?

Lawrence 2015-07-21 18:29 | Lenovo
呢排除左遲來的小米 Note 之外係香港都未有甚麼新機出,可能大家都會覺得有點悶!不過有一部有新旗艦唔聲唔聲推出左,而且仲有埋雙卡中港 4G 、 3GB RAM 以及主打 OIS 光學防手震同紅外線對焦的 1600 萬像素鏡頭,價錢更加係兩千八有找,比起不少中價手機更強!一齊來睇睇呢部新機有無睇頭啦!

//timgm.eprice.com.hk/hk/mobile/img/2015-07/21/202775/lawrencelaw_1_4566_b53f66e2ba237adba409383192643a76.jpg


Yahoo 團購偷步開賣! Lenovo Vibe Shot 登場

今次版主所提到的旗艦級新機所指的就係 Lenovo Vibe Shot 啦!相信大家對呢部機的認識都唔太深,所以版主首先就簡介一下先! Lenovo Vibe Shot 係年頭 MWC 2015 時發佈,憑住獨特的外型設計加上強大的相機鏡頭都成功吸引到不少媒體的目光。係規格上 Vibe Shot 除左支援雙卡之外更加有 5.0 吋 FHD 解像度,處理器就係 64 bit 的 Qualcomm Snapdragon 615 1.7GHz 八核配 3GB RAM 以及 32GB 內置容量(支援最大 128GB SD 卡)。相信到左呢度大家都會有個疑問,呢個擺明就係中階機規格,點可能稱之為旗艦呢?分明吹水!其實 Vibe Shot 主打的賣點就係佢嘅 1600 萬相機鏡頭,唔單止有 OIS 光學防手震同紅外線對焦,而且係最快對焦時間可以做到 0.157 秒,比起 LG G4 的 0.276 秒快接近一倍!係電量方面 Vibe Shot 亦都有 3000mAh 電量以及預載最新的 Android 5.1 。

//timgm.eprice.com.hk/hk/mobile/img/2015-07/21/202775/lawrencelaw_1_4566_53be670370361ecd279f2cb6b2e9439d.jpg
▲ 跟據 Lenovo 大陸官方資料, Vibe Shot 的對焦速度比起 LG G4 更快!

//timgm.eprice.com.hk/hk/mobile/img/2015-07/21/202775/lawrencelaw_1_4566_9c52f6204255f3e7eba65b47ec1674f3.jpg
▲ 而家 Vibe Shot 係 Yahoo 團購仲可以買到,以「獨家優先訂購」作為賣點,定價亦同 8 月頭推出時價錢一致,唔知大家又會唔會考慮入手?

對決 HTC Sony Samsung Qualcomm S615 手機,你會點揀?

目前 Lenovo Vibe 雖然仍然未係香港正式推出,但係 Yahoo 團購上就出現左呢部機的蹤影。如果大家以為係水貨機的話就大錯特錯了,因為版主收到風,原來 Vibe Shot 係香港的確係準備緊推出,估計 8 月頭會推出,而定價方面亦已經決定左,將會係 $2699 ,同今次 Yahoo 團購價一樣!如果從規格上來看的話, Lenovno Vibe Shot 個定位都幾特別。其實如果同規格上來看的話, Lenovno Vibe Shot 個定位都幾特別。係硬件上同用上 Qualcomm S615 版本的 Samsung Galaxy A8 有點相似但係屏幕就比較細同時定價都會比較平,所以今次版主就將一批今年推出,係價錢上相近而同時係用上 Qualcomm S615 的手機做對比。唔知大家又覺得呢部 Lenovo 新機吸引力夠唔夠呢?一齊留言講講吧!icon

//timgm.eprice.com.hk/hk/mobile/img/2015-07/21/202775/lawrencelaw_5_4566_d8d156e3f8f64f4c47b5642af02966b3.png
▲ 按入去就可以睇到規格比拼了!

//timgm.eprice.com.hk/hk/mobile/img/2015-07/21/202775/lawrencelaw_3_4566_43ce081c647961a517917114ec225f0d.jpg
▲ 少少題外話,除左 Vibe Shot 之外仲有一部 Lenovo 手機並未正式推出但就有行貨出現。所指的就係在深水埗場內的 K3 Note 了,唔知大家又有發現到有店家以「行貨」 K3 Note 作為賣點呢?版主了解過而家香港 Lenovo 代理 Brightstar 暫時未有計劃推出 K3 Note 行貨,不過另有本地代理商為一批 K3 Note 提供保養,所以就有店家將 K3 Note 標為行貨。雖然不是官方行貨,係價錢上呢隻「行貨」版 K3 Note 同場內水貨 K3 Note 分別不大。

來源: Yahoo 團購
在文章發佈時, Lenovo Vibe Shot 將會於 8 月頭正式開賣,價錢為 $2699 ,按此看詳細規格及最新賣價。

最新新聞