性價比打小米 5!聯想發威,小米、樂視旗艦齊齊減?
|
Lenovo
Lenovo ZUK Z2 中國大陸現身,性價比打小米 5,定價人仔 1799
版主虎仔在 4 月的時候曾經分享過,Lenovo ZUK Z2 Pro 以超強規格登場,採用 5.2 吋 FHD Super AMOLED 2.5D 屏幕,配備 Qualcomm Snapdragon 820 四核心處理器,最高內置 6GB RAM 以及 128GB ROM,而且相機亦相當不俗,有齊 OIS 和 EIS 雙重影像穩定技術,不過主鏡頭就只有 1300 萬像素。有趣的是,ZUK Z2 Pro 出現了,但 ZUK Z2 又去左邊呢?
Lenovo 日前正式在中國大陸發表了 ZUK Z2,跟 Pro 版本一樣,同樣採用雙面 2.5D 玻璃,不過機身尺寸就相對細少少,只有 5 吋。規格方面,ZUK Z2 同樣配備 S820 U,採用了獨創的一鍵超頻技術,能夠發揮出 S820 的最大性能,內置 4GB RAM 以及 64GB ROM,而電池方面則有 3500mAh。ZUK Z2 配備了指紋辨識器,識別速度最快只需 0.1 秒,至於價錢方面,Zuk Z2 的售價為人仔 1799,折合港幣約 $2124。既有 2.5D 芒,又有 S820 + 4GB RAM + 64GB ROM,定價更比一向玩高性價比的小米 5 還要便宜,莫非今次小米 5 有對手了? 大家對呢部機有啲乜野睇法呢?
聯想一發威! 小米、樂視旗艦齊齊減?
聯想 ZUK Z2 發表的同時,就係呢個時候,小米、樂視的旗艦手機亦雙雙減價,唔通小米、樂視感受到來自聯想的壓力,所以想減多啲價吸多啲生意? 哈,呢個都係講笑,不用當真,但見到網上有不少朋友討論,覺得呢部 ZUK Z2 真係同小米 5 有得揮,唯一缺點就係無 NFC,認為小米今次有難了,呢個係事實。有店家講起,小米旗艦小米 5 或者仲有得減,版主行場的時候,咁啱就見到店家準備改價錢,小米 5 水貨 32GB 同 128GB 版本都比之前減左 $100,分別為 $2480 以及 $3380,而唯獨 64GB 版本減左成 $200,賣價為 $2780,呢個價,網友點睇呢?
至於樂視方面,Le 2 32GB 水貨價亦都逐漸下調緊,已經跌穿千四,有十核心處理器俾你玩,但用 MTK U,賣 $1380 呢個價左右,又玩唔玩得過呢? 如果 ZUK Z2、小米 5、Le 2 俾網友揀,大家又會揀邊部?
▲ 小米 5 最近個價都係咁跌,64GB 版本由最初的三千幾,而家已經跌到 $2780 左右。
▲ 樂視 2 雖然減的篇幅唔多,但 $1380 呢個價,網友覺得叫唔叫抵?
小米 小米 5 (32GB) 在文章發表時,賣價為 $2599,按這裡有詳細規格及最新賣價。
樂視 Le 2 在文章發表時,香港上市日期未定,按這裡有詳細規格及最新賣價。