情懷可以當飯食?版主推介幾個比 Nokia 6 更抵玩的選擇

左定坤 (Cho Ting Kwan) 2017-01-24 13:32 | Lenovo
呢期比較備受注目的,應該是 Nokia 的回歸之作 - Nokia 6,之前因為講到話 China Exclusive,想入手的網友可能已經入左水貨。不過,在 MWC2017 大展上,Nokia 發表了國際版的 Nokia 6,但到底幾時正式香港開賣呢?大舖而家已經接受預訂,而版主問過,就話三月尾就會正式開賣喎。呢個價位,已經可以有更多更抵玩的選擇。睇下文啦!

場料(Facebook).jpg

Nokia 6 三月尾開賣,網友會考慮嗎?
說實話,版主細細個都有經歷過 Nokia 的年代,果陣時我的愛機,就是 Nokia 8210,輕巧之餘又便於單手操作,有實體鍵盤甚至可以讓版主上堂插住褲袋都可以打到 SMS......那個時候,可謂是 Nokia 手機業務最輝煌的時期。但自從 Nokia 被收購之後,如今正式回歸,情懷的確還是有的,但推出的 Nokia 6,個人認為實在沒有當初的吸引力。Nokia 6 現已在大舖接受預訂,建議零售價為 $2088,比想像中抵玩,將於 3 月尾正式開賣,不過店員都提到,第一批貨量並不會太多,分分鐘到開賣之日都會無貨,所以要買就要預先預訂。

17357417_405731463118999_218039793_o.jpg
▲ Nokia 6 建議零售價為 $2088,又似乎比想像中便宜得多。

同樣 4GB + 64GB,但用 S625,同價你會揀邊部?
上回版主 Keith 就同大家提到,同類手機 Lenovo K6 Note,其實建議零售價都只係 $1798,深水埗細舖甚至只賣 $1498,同樣係 S430 + 4GB RAM,不同的是 K6 Note 儲存空間相對較少,只有 32GB,但價錢相差六百蚊,太誇張吧?版主今次唔講同類,講下二字頭呢個價位,其實可以有啲乜嘢更好的選擇。首先要講的是華為 Nova,雖然大舖賣緊 $2780,不過其實深水埗細舖都只係賣緊 $2480,唔係用 4 系 U,而係用 S625,好處係相當慳電,而且一樣有 4GB RAM + 64GB ROM,你會願意俾多少少錢,入手 Nova 呢?

huawei-nova.png
▲ 價錢比 Nokia 6 略貴,同樣有 4GB RAM + 64GB ROM,但就用 S625 處理器,抵唔抵玩得過 Nokia 6 呢?

加多幾百蚊,已經入到旗艦機
同樣二千幾蚊,如果俾版主揀,我會寧願加多幾百蚊,買 Sony Xperia Z5,起碼都仲叫做旗艦手機,雖然 S810 可能會有發熱問題,但平時用來打機,還是問題不大,點都好過 S430。而這部 Z5,無論係大舖還是細舖,都係賣緊 $2998。唔想用發熱 U,華為 Mate 8 (標準版) 都唔差吧,$2980 用 Kirin 950,而且仲要相當慳電,真正用過的網友,十有八九都會讚的。其實版主個人係覺得,既然加多幾百蚊,就可以買到旗艦機,除了情懷,仲有甚麼原因,可以推動網友入手 S430 的 Nokia 6 呢?在這幾部機之中,網友會點揀呢?

Sony、LG 旗艦大舖價急跌!瘋狂勁減 $2700,入手是時候?
▲ Z5 大舖同細舖都係賣緊 $2998 呢個價位。

機會來了!巨芒手機劈價賣,入手華為 Mate 系是時候?
▲ 華為 Mate 8 都唔弱,$2980 就可以入手,個人覺得加多幾百蚊,好過買 Nokia 6 吧?

華為 Nova 在文章發表時,大舖賣價為 $2780,按這裡有詳細規格及最新賣價
Sony Xperia Z5 在文章發表時,大舖賣價為 $2998,按這裡有詳細規格及最新賣價
華為 Mate 8 (標準版) 在文章發表時,大舖賣價為 $2980,按這裡有詳細規格及最新賣價

最新新聞