Lenovo Vibe Z 清貨價 $1,780!行機包一年原廠保養!
首先要同大家介紹下邊部行貨手機可以 $1,800 有交易又有唔錯既性價比,正正就係一年前推出既 Lenovo Vibe Z ,佢採用 5.5 吋的 1920 x 1080 解像度 IPS 屏幕、 Qualcomm S800 2.2GHz 四核心處理器、 2GB RAM 、1300 萬像素主鏡頭同埋 500 萬像素前鏡頭,算係上年年初旗艦既配置,比較可惜就係內置 16GB 容量並不支援外置插卡,容量未必個個夠用,而電池量 3050mAh 算係普普通通(其實跟魅藍 Note 差不多)。要留意呢部手機既頻譜支援都係得 1800MHz 的 FDD-LTE ,跟魅藍 Note 同樣沒有 2600Mhz ,接收方面會差一點。版主行場見到 Lenovo Vibe Z 係深水埗黃金清貨價 $1,780 就有交易,比起官價 $4,698 平一半以上,差不多係入手既好時機。店員同版主講賣緊既係「全新行貨」,包一年原廠保養,亦包 7 日有壞換機的,應該比起買水貨有保障吧?
▲場內的 Vibe Z 定價 $1,780 算抵買嗎?考慮到差不多規格的 LG G Pro 2 最平都要 $3,000 左右,其實性價比也算不錯(可惜不能插卡…)
二輪日本機 Samsung Galaxy J 場內賣 $2,000 抵唔抵?
版主知道有一堆網友好支持 LG L24 ,奉之為「性價比之皇」,其實版主都鐘意日本機,就係貪佢地設計夠靚。就好似當年香港冇開賣既 Samsung Galaxy J 咁,由新貨抵港年幾都仲有價有市。呢部機採用 5 吋 1920 x 1080 解像度屏幕、Qualcomm S800 2.3GHz 四核心、3GB RAM ,內置就已經有 32GB 容量了,更加可以外置插卡,相機方面亦有 1300 萬像素主鏡頭和 200 萬像素前鏡頭,重點是這部機是可以換電,容量和 Galaxy S4 一樣是 2600mAh 。呢部機而家已經可以用到香港既 4G LTE 上網,不過同樣都係得 1800MHz 頻段而已,版主行場見到白色既 Samsung Galaxy J 日版賣 $1,880 ,而比較貴既藍色版本賣 $2,180 左右。冇錯的確算係比較貴既一部,但勝在個樣夠靚仔,你地又點睇?
▲呢部 Samsung Galaxy J 聽講場內都仲有人揀佢,係咪因為有粉紅色呢?
FHD + Qualcomm 八核版酷派大神 $1,400 有交易!
唔介意大陸水貨?版主又搵到另一部性價比之選,就係採用 Qualcomm 處理器既酷派大神 F2 全高清版 。其實佢規格同魅藍 Note 好接近,都係採用 5.5 吋 1920 x 1080 解像度屏幕、不過就用上與 Samsung Galaxy A7 同樣的 Qualcomm S615 八核心處理器、 2GB RAM ,內置 16GB 並可以外置插卡,相機是 1300 萬像素配合 500 萬像素的組合,而機身內置的 2500mAh 電池亦可以更換。版主問過店員,呢部手機是五模多頻的 4G LTE 手機,不過 FDD-LTE 只有 B1(2100) 與 B3 (1800) 兩段,換句話說在香港只用到 1800MHz 的 4G LTE (沒有 2600MHz) ,大陸方面是支援到 TD-LTE (B38、B39、B40、B41) 與 TD-SCDMA ,用到大陸聯通和移動的 4G LTE ,定價 $1,400 比起魅藍 Note 更平,大家又會唔會入手呢?
▲酷派大神 F2 全網通版賣 $1,400 ,會唔會抵過魅藍 Note ?