造工技術 Level Up !魅族 MX5 主打金屬機身
唔知大家有沒有留意到,今年大陸品牌推出的手機在造工質感上其實有著相當不錯的進步,從雙玻璃面金屬邊框的小米 Note 以至一體成型金屬外殻的華為 P8 都可以見到係外型技術上大陸廠牌未必會輸俾一流大牌子(當然外型觀感就睇個人口味了)。魅族的 MX5 看來都唔遜色,係已曝光資料中,雖然外觀上同前代相比變化不算很大,但相信會用上全金屬機身,而且會用上有指紋識別功能的 mBack 鍵。
效能旗艦級數!傳聞跑分成績「驚呆三星小米」
雖然 m2 note 性價比高,但講到有甚麼缺點的話其中一點應該就係效能未算特別出色了。不過係 MX5 上大家看來不用太擔心,事關有大陸媒體發現原來 MX5 效能相當強勁。係規格上今次 MX5 好大機會用上 5.5 吋 1080p 屏幕,處理器方面就係 MT6795T 八核配3GB RAM 以及 16GB 內置容量。相機方面都係 2000 萬像素主鏡頭配 300萬像素前鏡,電池就係 3150mAh 。值得留意之處係,有媒體發現係 GeekBench 資料庫到找到呢部新機的蹤影,成績方面不少大陸網站更加以「惊呆三星小米」來形容!不過係咪咁堅就真係要有實機試玩過先知了。▲ 係 GeekBench 上發現的 MX5 跑分成績,雖然 Single-Core Score 表現只算一般,但係 Multi-Core Score 方面就比起 Galaxy S6 的 5284 分以及小米 Note 頂配版的 4424 都要高。
加入快速充電技術! mCharge 10 分鐘充夠 25%
績航力一向都係大家好重視的一環,但係電池技術未有突破性進展的時候,各大廠商就唯有係充電時間上面下功夫啦。今次 MX5 有傳就話會加入一項叫 mCharge 的快充技術, 10 分鐘就可以充夠 25% 電量, 40 分鐘就可以充到 60% 啦!除左有充電時間會更快之外,係系統上面今次魅族都可能會為 MX5 用上全新的 Flyme 系統。最後係價錢方面,對於有意入手的朋友來講相信都十分關注,一般相信 MX5 的定價將會同上代的 MX4 一樣係 1799 人仔(約 $2245 港幣)。但係之前 m2 note 的最終定價其實係比外界估計為低,唔知今次又會唔會見到比預計更低的定價呢?咁大家就要留意 MX5 6 月 30 號的發佈會同 ePrice 啦!
來源:騰訊數碼 、網易數碼