天貓偷步預約累街坊! 魅藍 2 規格售價全面曝光
|
Meizu
其實呢次「豬隊友」曝光既係下面呢個預約網頁,價錢講明係 599 人仔外,而且五大賣點都統統曝光,四核心處理器,16GB 既 eMMC 5.0 ROM,5 吋芒同埋 2500mAh 電量,仲有魅藍系列既「5C」背殼!
▲ 大家見到天貓預約頁面,寫住「新品首發」,真係威威豬!
▲ 另外有個詳細規格表,寫住 1300 萬像素鏡頭,1GB RAM 和雙卡多模等資料,但最奇怪係點解寫住 5.5 吋以上 FHD 芒呢?
究竟呢次係咪真係單純「豬隊友」事件,定其實係魅族其中一個提高曝光率既手法呢? 真係好難琢磨~無論點都好,網友們記住留意 ePriceHK 之後既魅藍 2 分享,小弟會繼續為大家帶來最新既消息啦!