魅藍 X 真機上手！有 OnePlus X 的感覺！
版主提過，魅族今日發表的兩部新機當中，得 Pro 6 Plus 會在香港出行貨，而如果想入手魅藍 X 的話，就要等水貨。如果真係對魅藍 X 水貨有興趣的話，不妨先看看以下版主 Keith 的實機上手，再決定是否真係要入手吧！
▲ 魅藍 X 配備了 5.5 吋 FHD TDDI 屏幕，號稱是魅藍系列目前最優秀的屏幕，擁有 1500:1 對比度以及更低的亮屏功耗。
▲ 與 Pro 6 Plus 相比，魅藍 X 的外型，比較傾向對稱式設計。
▲ 下方同樣有腰型 mTouch 按鍵，而底部則見到有 3.5mm 耳機孔、喇叭以及 Type-C 插槽。
▲ 魅藍 X 同上了雙面 2.5D 曲面玻璃，了解版主的都知道，版主個人係比較喜歡玻璃材質的手機，望落去感覺好靚，而版主 Keith 在北京現場亦表示，造工不錯，拎上手有少許 OnePlus X 的感覺。
▲ 同樣用上 IMX386 感光元件。
▲ 右側有開關鍵和音量鍵。
▲ 左側有 SIM 卡槽。
MTK Helio P20 效能，比拼 Qualcomm U！
魅藍 X 是首部配備 MTK Helio P20 處理器的智能手機，P20 有啲乜嘢好？聯發科就咁講，新一代的 P20 用上了 16nm 製程，具有更佳的電源管理和性能體驗，性能提升 20%，而功率亦優化了 25%。睇佢講到效能提升 20% 咁多，咁版主 Keith 就用一些跑分軟件，測試一下，到底呢粒 MTK U，大約去到乜嘢級數。配備 3GB RAM + 32GB ROM 的魅藍 X，安兔兔跑分結果為 63808 分，睇番安兔兔資料庫，呢部手機的跑分，大約只有 Qualcomm S808 的水準，唔知網友又點睇呢？
▲ 魅藍 X 安兔兔跑分結果為 63808 分，大約只有 V10 S808 的水平，夠唔夠？網友又點睇呢？
魅族 Pro 6 Plus、魅藍 X 發表 + 評測相關文章
掂過 Note7 用三星 U！魅族 Pro 6 Plus、魅藍 X 強勢登場！
用 Exynos 8890，效能鬥 S7 Edge！搶先睇魅族 Pro 6 Plus 跑分
5.7 吋 2K 大芒！魅族 Pro 6 Plus 上手評測，外型睇真 D！
16nm 製程，效能提升 20%？Helio P20 VS Qualcomm U！
魅藍 X 在文章發表時，香港上市日期未定，按這裡有詳細規格及最新賣價。