魅族出招打小米!買 PRO 7 + 耳機慳 $200,$1 配件點買到?
|
Meizu
由即日起至 2 月 22 日,魅族就會推出新春優惠,不過學埋小米咁,都係每件減果少少,好過無咁囉。不過比較吸引少少的,應該是買 PRO 7 系列 + FLOW 三單元耳機,扣除優惠一共可以慳番 $210。而如果大機同細機俾版主揀,我會考慮 PRO 7 多過 PRO 7 Plus,一來 size 適合手細嘅版主,二來價錢相對便宜點,賣 $2399,三來係 PRO 7 先有靚爆鏡紅色版本,襯返哂農曆新年節日氣氛。你又會唔會揀呢?
除咗 PRO 7 + 耳機之外,M6 Note 都有減價,但係咪抵?我又覺得唔係,你要連埋 M20 流動充電器一齊買,先減得果 $50,而事實上點解我話唔抵,就係因為 csl. 淨機買 M6 Note,$1680 就可以買到,仲平過官方減 $50。
而除咗手機之外,都有部份配件有減價,包括有四款耳機 (HD50 頭戴式耳機、EP2X 耳機、EP-31 耳機以及藍牙音樂套裝)、極速充電套裝以及時尚旅行套裝,優惠折扣最多八七折。係咪平呢,見仁見智,部份耳機質素應該係好過小米圈鐵耳機,網友自己衡量吧!
順帶一提,如果在指定期間消費滿 $1000,就可以 $1 買到 EP21-HD 耳機 (8/2 - 12/2)、1.2m 二合一數據線 (13/2 - 17/2)、線控自拍杆 (18/2-22/2) 或 Type-C 轉接頭 (8/2-22/2)。
咁啱有嘢買的話,都算係抵嘅,你又認為魅族出的優惠,是否吸引過小米呢?
魅族 PRO 7 在文章發表時,csl. 賣價為 $2199,按這裡有詳細規格及最新賣價。
魅族 PRO 7 Plus 在文章發表時,csl. 賣價為 $3599,按這裡有詳細規格及最新賣價。
魅族 M6 Note 在文章發表時,csl. 賣價為 $1680,按這裡有詳細規格及最新賣價。