正價開賣唔使搶、冇得炒!紅米 1s 一夜變蟹貨?!

Eddie 2014-07-23 18:11 | 小米
係小米 4 發佈之後一日,又有好消息帶比大家。一直被「秒殺」既紅米 1s 官方終於開放預購,唔需要去搶都買得到啦,不過發貨就要等兩、三個星期,要買都仲要等。現時紅米 1s 係街鋪比人炒貴幾百,有人上台劏機去賣亦有人係大陸引入水貨,會唔會一夜之間變晒蟹貨呢?

//timgm.eprice.com.hk/hk/mobile/img/2014-07/23/178259/unrealandy_3_4568_77e6f6bb9cd733e1f40e255dc920ced3.png

紅米 1s 正式開放預購!兩、三星期到貨!街鋪冇得炒?

係小米香港 Facebook 其實都講過唔少次紅米 、紅米 1s 等幾多秒被「秒殺」,正所謂「 F 碼難求」,要買到紅米 1s 都唔係咁簡單既事情。如果有留意開手機場情既都知道,街鋪往往會引入紅米 1s 再用貴 $200 ~ $300 既炒價賣番出去,就算係網上二手交易區同埋拍埋價錢都比正價 $999 貴,可想而家有幾多人從中圖利。今日小米官方就正式宣佈紅米 1s 灰色同白色版開放預購,唔需要再係特定時間「秒殺」,只需要等 2-3 個星期就收到貨,對炒價其實係一個唔細既打擊。

之前傳聞過既紅米 1s 和 紅米 Note LTE 版好可惜就冇係尋日既小米年度發佈會出現,而新一代既小米 4 亦要等到年之底先會有 FDD-LTE 版現身,其實係幾令人失望既一件事。而紅米 1s 採用 4.7 吋 720 x 1280 解像度屏幕、 Qualcomm S400 1.6GHz 處理器、 1GB RAM + 8GB ROM 、 800 萬像素鏡頭和 160 萬像素前鏡頭、2000mAh 電池,在 $1,000 價位仍然是性價比高的選擇,當上網隨時買得到又會唔會更多人用呢?

版主都有係場內問過店員點睇紅米開放預購,有鋪頭表示唔怕小米派貨,因為從來紅米需求量都大,未必人人肯等 2 ~ 3 個禮拜;有鋪頭就叫苦連天,表示用超過 $999 的價錢入貨,預計之後要清蟹貨每部要蝕 $50 ,網友們又點睇呢?留言講講意見啦!

//timgm.eprice.com.hk/hk/mobile/img/2014-07/23/178259/unrealandy_3_4568_c942524dbefb5f87f904b125b0ce3869.png
▲而家隨時可以上小米網站預購紅米 1s ,當然是正價 $999 啦,雖然就要等 2 至 3 星期發貨,總比買街鋪的炒機便宜

//timgm.eprice.com.hk/hk/mobile/img/2014-07/23/178259/unrealandy_3_4568_77548c260a8d660d7ed0caa80d6c2456.jpg
▲紅米 1s 在場內隨時炒貴 $200 ~ $300 ,版主在收到消息後問過場內店員,他們表示:「最多咪平手清貨囉,總有人買既」,係咪真係需求咁高就真係要拭目以待啦icon

在文章發佈的時便,紅米 1s 定價 $999 ,按此看詳細規格和最新賣價。

相關產品 (1)

相關報導 (3)

正價開賣唔使搶、冇得炒!紅米 1s 一夜變蟹貨?!

正價開賣唔使搶、冇得炒!紅米 1s 一夜變蟹貨?!

係小米4發佈之後一日,又有好消息帶比大家。一直被「秒殺」既紅米1s官方終於開放預購,唔需要去搶都買得到啦,不過發貨就要等兩、三個星期,要買都仲要等。現時紅米1s係街鋪比人炒貴幾百,有人上台劏機去賣亦有人係大陸引入水貨,會唔會一夜之間變晒蟹貨呢?

Eddie | 2014-07-23
純白紅米 1s 明日香港開賣!4G LTE 版將會登場?

純白紅米 1s 明日香港開賣!4G LTE 版將會登場?

今日小米在他們的官方FacebookPage入面透露有一樣新的東西明天會現身,下一代的小米手機4?未係時侯,始終要等下星期二的年度發佈會先見到呢部新機,大家可以慢慢期待。而明天開始預訂的是純白色的紅米1s,不知道顏色多了之後,貨量又會隨之而增加嗎?

Eddie | 2014-07-16
輪米又再升級!紅米 1s 定價 $999 網友搶唔搶?

輪米又再升級!紅米 1s 定價 $999 網友搶唔搶?

紅米手機搶完一輪又一輪,版主們早就放棄了,唔知仲有冇網友仲努力緊。出面街價炒到$1,200我覺得實在太誇張,應該都冇幾多個網友會去買吧?有個好消息比未買到紅米既網友,就係大家可以去輪升級既紅米1s啦,唔知而家街鋪積落既紅米會唔會變晒死貨平賣呢?幾時有得輪?Click入黎你就知道!

Eddie | 2014-06-17

最新新聞