7 模 19 頻全網通!小米 Note 加多個版本,定價再減
雖然傳言中的小米 5 未有現身,不過小米為左加強自家重點旗艦小米 Note 的競爭力,今次佢地就係手機網絡頻段作出改變!全網通版小米 Note 係硬件規格上同小米 Note 標準版其實無咩分別,一樣係 5.7 吋 FHD 屏幕、 Qualcomm S801 處理器加 3GB RAM 同埋 1300 萬像素主鏡頭。但係頻段上就真正打通左中國移動、中國聯通同埋中國電信 3 大電訊商的 2G/3G/4G 網絡,開賣日期將會係 7 月 7 號,定價為 2099 人仔。下圖就可以一眼睇晒小米 Note 全網通所支持的 7 模 19 頻。不過對比起全網通版本的小米 Note ,相信大家更加關心的應該係小米 Note 降價的消息啦!雖然由發佈至今都將近半年,但香港都未有推出的消息,但係小米 Note 標準版係大陸就先減價了!繼之前小米 Note 頂配版係推出同日調低售價後,今次小米就宣佈小米 Note 標準版定價將會係 1999 人仔,跌破千元價位唔知係咪為左同傳聞賣價 1799 人仔的魅族 MX5 鬥過呢?
華為 Honor 7 即將登場!配備指紋掃描定價兩千樓下
係即將發佈的手機當中,除左 MX5 之外仲有一部會早一點登場的 Honor 7 !呢部華為新機係規格上其實同已經在港開賣的 P8 差不多,主要係多左指紋掃描功能。除左指紋識別之外傳聞 Honor 7 將支援全網通,有 5.2 吋 FHD 解像度屏幕,處理器仍然係自家 Kirin 935 2.2GHz 八核處理器同埋 3GB RAM 以及 16GB/64GB 內置容量,主鏡頭就 2000 萬像素。係賣價方面,雖然機未出但已經有大陸媒體率先爆料,定價係 1999 人仔。總括來講今次小米、魅族、華為所推出的新機定位大致上都係二千元樓下的手機,唔知大家會點揀?留言講講睇法啦!▲ 版主虎仔之前都分享過有關 Honor 7 的消息,可以見到鏡頭下係有個疑似掃描器的裝置。
來源:驅動之家