紅米 Note 2 開箱試玩！用到香港 4G 即時秒殺同門小米 4i ？
今次版主開箱試玩的是紅米 Note 2 的雙 4G 版本（放心！移動版點樣打通香港 4G 下面會提到），內置容量同移動版一樣係 16GB 而處理器就係 MTK Helio X10 2.0GHz 。雖然係內置容量方面比起全網通的 32GB 少，但係在有得插卡的情況下應該都會夠用嘅。同以往的紅米手機一樣，紅米 Note 2 跟機都只有 USB 線同埋充電器，相當簡單。係規格上紅米 Note 2 有 5.5 吋 FHD 芒、 Helio X10 2.0GHz 八核配 16GB RAM ，相機就係 1300 萬像素主鏡頭配 500 萬像素前鏡，電池就有 3060mAh 而且可以換。
▲ 係包裝上紅米 Note 2 同以往的小米手機差不多。
▲大家要記留意，小米係雙網通版到係提到手機支援 FDD LTE ，而移動版是沒有的。（不過事實當然不是這樣）
▲ 配件都係得 USB 級同埋充電器，以及說明書一份。
機身一貫「小米式」塑膠手機風格，屏幕感覺「通透」
同之前的小米 4i 一樣，紅米 Note 2 係機背上都係用左磨沙質感的塑膠材質，版主叫佢做「小米式」膠機其實用意不是要笑佢，反而係想講其實塑膠手機用磨沙質感係一個不錯的選擇，一來手感上無咁「跣手」，二來不易吸油同指模，較易打理，所以紅米 Note 2 整體手感都是不錯的。另外，今次紅米 2 既能夠插 SD 卡，也可以換電，完全係一把打落之前係香港對一眾記者發表左包括插卡設計會淘汰、用家對可換電需求不大呢啲偉論的 Hugo Barra 到！唯一仍然有堅持的就係雙 Sim 卡槽都係要插 Micro Sim 。不過知道用家要求而作出改變都係一件好事來，而且目前又可插卡又可換電的手機買少見少，呢點無疑令紅米 Note 2 的性價比再提升啊！係屏幕方面，版主提到「通透」呢個形容詞，其實係源自之前 OnePlus 2 發佈會上 OnePlus CEO 劉作虎對自家新機的評價。版主覺得呢種感覺同樣可以套用係紅米 Note 2 上，雖然係屏幕亮度上紅米 Note 2 不如 OnePlus 2 ，但係在可視角度同埋細緻度上整體來講都係令人滿意的。
▲ 音量鍵同開關鍵都係位於機身的右邊。
▲ 後背因為用左一貫小米風格，所以 3.5mm 插孔都係在機頂而 USB 插口就係機底。
▲ 紅米 Note 2 都係用左一貫熱感式按鍵，排位都係一樣。
▲ 紅米 Note 2 其中一點值得讚嘅就係支援雙 SIM 卡的同時無用 SD 卡共用同一卡槽，不過 SD 卡最大支援只係 32GB ⋯⋯
▲機身大小方面，紅米 Note 2 同 OnePlus 2 差不多。
▲ 從 OnePlus 2 同紅米 Note 2 之間，可以睇到有兩種不同的設計風格，前者屏幕有向內彎之感覺，而後者就有好像 2.5D 玻璃向外彎的感覺。在用家體驗上係有頗明顯的分別。
▲ 係光亮度方面 OnePlus2 比起紅米 Note 2 稍為出色。
▲ 在可視角度上兩者都幾好，沒有反白的問題。
▲ 手機的 FHD 解像度的屏幕在細緻度上都唔會同 2K 解像度手機有明顯分別。
性能跟 3GB RAM 版 MTK Helio X10 分別不大，算不算驚喜？
係跑分方面，首先要講的是唔知點解係安裝了 Google Play Store 後，部份 apps 好像安兔兔、 Basemark 2.0 同埋 CPU Z 等都係唔兼容的，版主要透過小米自家的 app store 下載。係成績方面，雷軍係紅米 Note 2 發佈會上就強調呢部機可以在安兔兔上做出破五萬分的成績（要留意佢用的安兔兔係 5.6.0 ），而今次版主就用左 5.7.0 版本去再跑多次，成績就當場合理返，只有 38685 ，不過呢個分數都算係可以嘅。而係 Vellamo 同埋 Basemark 2.0 方面，成績就同規格相近的 HTC One E9+ 差不多。另外，雙卡版同移動版的紅米 Note 2 都係有 16GB 內置容量，而實際可用就會有大約 10GB 左右。而雙 4G 版的紅米 Note 2 本身支援 FDD LTE 的 1800 同 2600 頻段，當然都可以用到香港的 4G 啦！
▲ 安兔兔跑分未到四萬，同小米於發佈時所提到的表現有明顯出入，但相信同小米用左舊版本的安兔兔有關。
▲ 而係 Vellamo 的表現上，其實紅米 Note 2 跟 HTC 的 One E9+ 相差不是很大。
▲ 有成 59.87FPS ，呢個表成績很不錯啦。
▲ 如果紅米 Note 2 好似 小米 4i 16GB 版咁樣不支援插卡，版主一定會話唔夠用，但係而家可以插最多 32GB SD 卡，可能都夠嘅。
小結：移動版都可以打通香港 4G ！點樣做得到？
上文都提到其實紅米 Note 2 外型係點，效能表現如何其實都未必係大家最關心的重點，反而定價只係 $799 ，而家來到香港水貨要 $1200 左右的移動版要點樣可以打通香港 4G 先係大家最關心的。版主試玩左雙 4G 版之後再玩埋移動版，發現原來方法真係好簡單！
▲ 移動版的包裝盒未有提到手機支援 FDD LTE ，不過用唔用到都要試左先知。
第一，用家需要準備好一張 Micro Sim 卡，而且果張卡係可以支援 4G 的。另外，大家需要打開紅米 Note 2 的背蓋，再插入 Sim 卡開機，咁就搞掂了！因為移動版原來係不用做設定，即插即用到的。而版主都入左去 MTK 工程模式，同網上傳言一樣，移動版同雙 4G 版一樣係支援 FDD-LTE B1 、B3 、B7 ，即係在香港使用都沒有問題，而用 OFTA 的 Speed Test 測試成績都不錯啊！當然，如果大家想安心點的話其實買雙 4G 版會係比入手移動版穩陣的選擇，而兩者目前賣價相差都唔遠，移動版約為 $1200 左右而雙 4G 版就 $1300 ，比起本身 100 蚊人仔的相距更少啊！
▲入到 MTK 工程模式，可以見到其實移動版紅米 Note 2 都用到 FDD LTE 的。
▲再即時跑埋 Speed Test ，速度也很不錯啊！
紅米 note 2 售價 : 聯通雙 4G 雙卡雙待 HK$1300 移動版雙卡雙待 HK$1200
鳴謝：Lucky Digital Store
在文章發佈時，小米 紅米 Note 2 在香港開賣日期未定，按此看手機詳細規格。