容量更大＋處理器時脈更高，紅米 Note 2 預計要幾錢？
係移動版紅米 Note 2 開賣左大約個多星期之後，紅米 Note 2 高配版而家係大陸都開始有現貨可以購買了，但就採用左每日早上十點限量發售的方式。既然大陸有貨的話其實都可以預計到香港都好快會有水貨引入了，版主到深水埗查詢過細鋪的店主，收到的消息就係預計會係下星期一左右就到香港。同已經到左香港的紅米 Note 2 移動版相比，其實高配版紅米 Note 2 變化不算好大，同樣係 5.5 吋 FHD 芒，處理器都係 MTK 的 Helio X10 但係就提升至 2.2GHz ，即係跟 HTC One M9+ 相同，內置容量都比起移動版多，有 32GB 。係規格提升左的同時，紅米 Note 2 高配版價錢當然都會更貴，在定價上呢部機都要 999 人仔（約 $1209 港幣），比起 799 人仔的移動版貴兩百。有意入貨的細鋪店主就預計首批紅米 Note 2 高配版價錢都要 $1450 港幣左右，而同高配版相比，移動版相信係會更受歡迎的，因為在價錢方面相距都算大，目前移動版水貨價錢為 $1150 ，預計係高配版到港後價錢會再跌少少，約 $1100 左右。唔知有意入手的朋友又覺得移動版還是高配版的紅米 Note 2 會較抵玩呢？
▲ 紅米 Note 2 高配版現時係大陸每日十點都會有現貨購買。
在文章發佈時，小米 紅米 Note 2 在香港正式發佈日期未定，按此看詳細規格及最新定價。