呢部小米 Note 2 好大機會係小米 Note Pro 嘅升級版。外型方面，呢部小米 Note 2 傳會採用 5.7 吋 1440 x 2560 解像度 QuadHD 屏幕，並會採用全金屬機身。而規格方面，根據爆料人 @Leaksfly 喺微博上嘅消息，呢部小米 Note 2 有傳可能會配備 MediaTek Helio X20 MT6797 處理器或者 Qualcomm Snapdragon 820 處理器，並內置 4 GB RAM 以及 32 GB ROM。根據傳聞指出，呢部小米 Note 2 會配備 Qualcomm 超音波指紋辨識器，鏡頭方面會採用 1600 萬像素主鏡頭以及 800 萬像素前置鏡頭。此外，小米 Note 2 將會運行基於 Android 6.0 的 MIUI 系統。
▲ 黎緊 10 月 19 日小米會推出 「小米次世代新品發佈會」。
傳聞指出小米 10 月 19 日亦會推出小米平板 2，如果果日真係出小米 Note 2，你會唔會有興趣呢? 如果部小米 Note 2 真係呢個規格嘅話，咁我覺得佢都算係唔錯嘅! 你地又點睇呢?
來源：爆料人-Leaksfly微博