「高配版」、「尊享版」通通未有,小米 5 香港只得一款?
係講價錢之前,唔少朋友應該都知道,小米 5 係有不同顏色同型號的,好似係 S820 1.8GHz ,3GB RAM 配 32GB 內置容量的「標準版」;S820 2.15GHz ,3GB RAM 配 64GB 內置容量的「高配版」,以及有 4GB RAM 同埋 128GB 內置容量的尊享版。如果大家心水清的話,都知道係大陸方面,其實 64GB 版本貨量都要到近期先慢慢變得充俗,而 4GB RAM 尊享版都要剛剛先推出。所以,之前已經發佈左小米 5 國際版的印度,而家都只係得「標準版」,顏色都只係得白色。而香港的情況都唔例外,今次係推出的小米 5 都是 S820 1.8GHz ,3GB RAM 配 32GB 內置容量的標準版,同樣只有白色可選。係 5 月 10 號就會正式開賣,價錢係 $2599 。唔知大家又覺得平唔平?
▲ 小米 5 係發佈時,有多種顏色亮相,但係到香港的就只有白色。
▲今次小米特地請左攝影師趙嘉來分享佢對小米 5 相機的評價,佢就提到係 4 輻防手震對夜拍幫助相當大。
▲係發佈日期方面,小米 5 將會係 5 月 10 號開賣, csl 全線專門店以及小米之家都有售。
比拼 HTC 10、LG G5 、S7 edge!邊一部你最感興趣?
即使唔計相信下月會推出的 Sony X Performance ,其實而家都有不少 S820 旗艦可以選擇,好似係最早推出有 5.5 吋芒的 S7 edge ,玩模組的 LG G5 、「翻身作」 HTC 10 以及剛剛發佈,定價最平的小米 5。其實每部機都有唔同賣點,定位都有唔同,所以點樣揀,其實都係一個幾難答嘅問題,唔知大家又最喜歡邊部旗艦呢?以下就有個 4 大旗艦投票,大家不妨投票後再留言講講吧!▲投票前大家都可以睇下規格比拼, click 入去就可以啦!
在文章發佈時,小米 5 將於 5 月 10 日開賣,價錢為 $2599 ,按此看詳細規格及最新賣價。