平過三星近 44%！最平價 S835 旗艦手機 小米 6 抵港，好抵玩？

左定坤 (Cho Ting Kwan) 2017-04-30 14:22 | 小米

2017 的風雲旗艦 U，基本上唔使諗，都知道是 S835 處理器無誤了，不過等左咁耐，配備 S835 處理器的手機尚未正式在香港上市，最快應該都要等 25/5 開賣的三星 S8 / S8+。如果想立即體驗一下 S835 的效能，而家機會來了，而且用平 S8+ 接近 44% 的價錢就得，按道理上應該暫時未有更便宜的 S835 選擇。無錯，講緊嘅係小米 6，昨晚收到消息，這部最平價 S835 手機水貨終於正式抵港了，賣邊個版本，賣幾錢，下文再講！



配備 S835 處理器的小米 6，終於正式抵達深水埗福仁，講緊嘅係 6GB + 64GB 版本，第一水賣價為 $3600，顏色方面暫時只有黑色。呢個價錢入手 S835 處理器旗艦手機，版主又覺得唔貴喎，可以諗得過，相比同樣 64GB 版本的三星 S8+ 便宜差不多 44%，仲要 S8+ 64GB 版本只係得 4GB RAM。當然，我好明白，就算係幾超值都好，但不少人總是會說: 三千幾蚊買小米？傻的嗎？所以你無興趣，唔緊要，對於有興趣入手小米 6 的網友來說，呢個價錢你又覺得合唔合理呢？留言講下啦！



小米 6 在文章發表時，香港上市日期未定，按這裡有詳細規格及最新賣價。