6.44 吋巨屏,黑邊比上代少 53%
跟去年小米 Max 一樣,小米 Max 2 同樣採用了 6.44 吋大屏幕。點解係 6.44 吋呢?呢個尺寸會唔會稍嫌過大呢?雷軍的答覆是: 唔會,呢個尺寸剛剛好,又能夠單手操作。真的是這樣嗎?是大家都認為適合單手操作,還是純粹只是版主手細呢?關於呢點,版主唔評論咁多,但 6.44 吋的而且確可以當平板用,用來打機、睇片,相信體驗都相當一流。另外,小米 Max 2 配備了金屬機身,邊框用上了圓潤設計,呢個設計會唔會令手感更佳呢?版主未上手試過,比較難以評論,不過今代小米 Max 2 似乎唔再好似第一代有咁粗嘅黑邊,黑邊相比上代少了 53%,又會唔會吸引到網友呢?▲ 小米 Max 2 用上 6.44 吋大屏。
▲ 好老實,有邊部手機唔係單手可握?但能唔能夠單手操作,我就覺得咁大個芒就真係做唔到。
5300mAh 電 + S625「續航怪獸」!支持 QC 3.0 快速充電!
配置方面,之前好多傳聞都指出,小米 Max 2 會是首部配置 S660 處理器的手機,但結果大家都猜錯了。根據小米發佈會上所示,小米 Max 2 將會配備 S625 處理器,都係用番舊 U,粒 U 賣點唔多,勝在夠慳電,配合 5300mAh 核電,分分鐘可以夠用 2 日之多!除左續航能力提高,小米 Max 2 亦會支持 Quick Charge 3.0 快速充電技術,1 個鐘頭就可以充電至 68%,甚至能夠支持反向充電技術。小米 Max 2 內置 4GB RAM,有兩個儲存容量版本,分別為 64GB 以及 128GB,而相機部份則用上 Sony IMX386 感光元件,亦即係小米 6 果粒,不過個人認為,用小米手機來作為影相手機,根本就是自尋煩惱......值得注意的是,小米 Max 2 加入了分屏功能,能夠幫助用家同時間進行不同的動作,例如一邊睇片一邊覆 whatsapp 等等。▲ 電量有 5300mAh 之大!
▲ 有 4GB RAM,儲存容量有 64GB / 128GB 兩個版本。