6.44 吋巨芒 / 最平 S835 旗艦！小米 Max 2、小米 6 抵港，價合理？

左定坤 (Cho Ting Kwan) 2017-06-26 11:34 | 小米

提到小米手機，雖然用落感覺未必人人叫好，但無可否認的是，性價比係相當高，光是呢點，還是吸引到不少網友入手。不過，小米手機真係叫多人買嘅，應該係千元手機系列，二千幾蚊嘅都開始要諗諗，去到三千幾蚊呢個價位，除非你係真米粉，或者你有好多錢，如果唔係對於普通網友來說，三千幾蚊買小米，還是不容易令人接受。今日，擁有 6.44 吋大芒的小米 Max 2，以及配備 S835 旗艦處理器的小米 6，都正式在香港發表。到底呢兩部機的賣價是否合理呢？即刻睇下文啦！



先由相對多人留意的小米 Max 2 說起，又 6.44 吋大芒，又 S625 慳電 U + 5300mAh 核電，雖然有些網友會話，寧願買上代好過，不過還是會有不少網友，特別是需要長時間出外、比較少打機的，會對呢部小米 Max 2 心動。小米 Max 2 香港會賣 4GB RAM + 64GB ROM，顏色上只有磨砂黑版，建議零售價為 $1899，將於 6 月 27 日正式開賣，呢個價錢來說，網友覺得是否合理呢？（俾啲額外資料大家參考: 對於想買番上代的網友們，小米 Max 現時賣價為 $1599。)


▲ 痴左線！$1899 呢個價錢，又真係唔貴，你點睇呢？

至於小米 6，又是否能夠打敗 OnePlus 5，成為最平價的 S835 旗艦手機呢？睇番 OnePlus 5 6GB 版本的價錢，賣 $3688，其實已是合理價，雖然依然係有不少網友批評，但版主身邊亦有朋友上手過之後，有想買的衝動。咁同樣配備 S835 處理器 + 6GB RAM 的小米 6，會賣幾錢？建議零售價為 $3499，有亮藍版以及陶瓷版，價錢一樣，相比 OnePlus 5 6GB 版本便宜 $200 左右。亮藍版將於 7 月中期正式開賣，而陶瓷版則將於 7 月下旬抵港。如果以 S835 旗艦來說，差不多價錢你會揀小米還是 OnePlus 呢？


▲ 小米 6 6+128GB 版本，香港建議零售價為 $3499，呢個價你會揀 OnePlus 5 還是小米 6 呢？

小米 6 (6+128GB) ，在文章刊登時，賣價為 $3499，按這裡有更詳細規格及最新賣價。
小米 Max2  (4+64GB) ，在文章刊登時，賣價為 $1899，按這裡有更詳細規格及最新賣價。