小米 5X 變異版，外型一樣似 iPhone 7 Plus！
在外型上，小米 A1 跟小米 5X 一樣，都是採用了全金屬機身設計，具備 5.5 吋 1080p 屏幕，屏幕下方有三個虛擬鍵，分別為多工鍵、主頁鍵以及返回鍵。跟以往的小米手機風格一樣，指紋辨識鍵依然是置於機背部份，而且可以看出，小米 A1 機背部份用上比較圓潤的設計，目的是讓機背更貼近手掌，令手感更佳。不過，版主上手發覺有跟 OnePlus 5 相同的問題，都是有點兒滑手，一個不留神好容易會把手機跌到地上 (當然好彩版主暫時無跌到部機啦～
)。相對值得一提的賣點，應該是在千元機的基礎上，加入了 iPhone 7 Plus 式的雙鏡頭，連個設計都相當接近。唔講咁多，有圖有真相，去相！
▲ 呢個係小米 A1 的包裝盒，可以見到同 Google 合作左係唔同啲，設計上多左個「外套」，左上方和右側都會有 Android One 的字樣。另外，機盒都話俾大家知，小米 A1 會有三種顏色，分別為黑、金、玫瑰金，版主今次借走果部，係黑色版本 (對於男人黎講，都好正路吧
) 。
▲ 包裝盒背面會有小米 A1 的主要賣點，包括有 2 倍光學變焦的雙鏡頭、S625 慳電 U、5.5 吋 FHD 屏幕，以及運行 Pure Android 系統。
▲ 開箱！除左個「外套」，入面個盒就回復返以往的設計，比較簡約，中間會有小米 logo。而包裝盒入面除左有小米 A1 之外，還有充電器、USB 線以及 SIM 卡針。
▲ 雖然話就話係支持快充，但其實都唔會話好快，只有 5V / 2A，即 10W 功率。
▲ 小米 A1 配備了 5.5 吋 1080p 屏幕。
▲ 屏幕上方會有 500 萬像素的前置鏡頭。
▲ 而屏幕下方則有隱藏式虛擬按鍵，包括多工鍵、主頁鍵以及返回鍵。
▲ 採用了全金屬機身設計，指紋辨識鍵都設置在機背部份。
▲ 左上方會有 1200 萬像素 + 1200 萬像素雙鏡頭，並且具有閃光燈。
▲ 另外，其實都可以睇得出，機背用上圓潤設計。
▲ 機身右側會有音量鍵以及開關鍵。
▲ 而左側則有三選二 SIM 卡插槽，支持雙卡雙待功能。
▲ 手機底部會有最普通不過、但而家成為了賣點的 3.5mm 耳機孔，並且具有 USB Type-C 充電插槽。
▲ 比拼 iPhone 7 Plus！有無覺得兩部機設計風格很像呢？當然，你可能會話似 OnePlus 5 / Sugar F11，不要緊，反正十有八九大陸機都是「參考」Apple 吧～
▲ 5.5 吋機身並不是好大，不過版主個人就嫌比較闊，對於手細的我來說，可能會手感一般。加上機背材質比較滑手，如果俾我用，可能好容易會跌落地。
S625 + 4GB / 64GB，未有 Android 8，小米 A1 跑分立即看！
小米 A1 在配置上都是跟小米 5X 一樣，配備 Qualcomm S625 處理器，內置 4GB RAM 以及 64GB ROM，不過未有 Android 8.0，只有 Android 7.1.2，似乎還是讓 Sony Xperia XZ1 領先一步有 Android 8.0。小米 A1 同小米 Max 2 配置相若，但或者是運行 Pure Android 的緣故，雖然安兔兔跑分為 62648 分，跟一般 S625 手機相差無幾，但版主覺得在使用體驗上，小米 A1 會比小米 Max 2 流暢得多。啊！還有一點值得一提，既然小米 A1 用上了原生 Android 系統，大部份小米原有的 App，都不會預載在手機上，只剩下一個「小米反饋」的功能，少左一堆平時無乜點用的 App，亦都是一件好事。
▲ 小米 A1 跑分結果為 62648，當然用上 S625 處理器，在 3D 部份應該都唔會對佢有期待，但如果在整體流暢度好，你又覺得用唔用得過呢？一齊討論下啦！
小米 A1 在文章發表時，建議零售價為 $1799，按這裡有詳細規格及最新賣價。