不過，如果無錢買 iPhone X，想平平地搵部全面屏手機自用，今日小米第二代全面屏手機 - 小米 MIX 2 終於抵港，又會賣到幾錢呢？睇下文啦！
剛剛幾日前先在北京發表，眨一眨眼 小米 MIX 2 水貨就已經抵達旺角先達，目前到貨的是 128GB 版本，第一水賣價為 $5480。炒價就一定有㗎喇，128GB 版本大陸建議零售價為 3599 人民幣，折合港幣約 $4380，而家先達就比原來炒高成千一蚊。但如果對比起 iPhone X 來說，呢個價錢有得玩全面屏手機，除左佢又好似諗唔到有第二部。不過，之前都有提過，小米 MIX 2 遲下將會在香港出行貨，你會唔會打算等埋行貨再算呢？
查詢及鳴謝: 三禾電氣23740618 （旺角） 23740718 （銅鑼灣）