小米全面屏手機小米 MIX 2 官方減價，減四百就叫平？
首先第一部要說的減價手機，是小米的 MIX 2。無論是黑色陶瓷版，抑或是 Unibody 全陶瓷版，即日起建議零售價會有所調整。先講黑色陶瓷版，6GB + 64GB 建議零售價將會由原來的 $3899，減四百至 $3499; 而 6GB + 128GB 則由原來的 $4299，減四百至 $3899。至於 8GB + 128GB 的 Unibody 全陶瓷版，則由原來的 $5499 減至 $5099。不過咁，雖然係官方減左價，但係咪就叫抵呢？我就唔係好覺。好好笑一樣嘢，話說早幾日同版主 Keith 佢哋幾個人一齊食飯，突然聽到隔離果枱食客就話：四千幾蚊買華為機？而呢刻我就諗，如果四千幾蚊買華為機人們都覺得唔值的話，那三千幾蚊甚至五千蚊買小米機，更加不會加以考慮了吧？
又要影相靚，又要平靚正，非 HTC U11 莫屬？
不單止小米 MIX 2 有 S835 + 6GB RAM，其實三星 S8+ / Note8 都有，不過個價賣到咁貴，呢度版主就不加以提及了。而相對比較平價的 S835 6GB 手機，應該要提的是 HTC U11，大舖現時賣價為 $4598，而之前版主所說，U11 在 SmarTone 賣 $4298，不過最近發現已經無再擺出來了。想平，只能幫襯先達等細舖，行貨價約 $4100，而水貨價則約 $3850。
$2600 買到 S835 6GB 雙鏡手機，有無伏？
至於標題上所說，最平 $2600 的 S835 6GB 旗艦手機，講嘅係邊部呢？說的是 ZTE 推出的 Nubia Z17，在大陸蘇寧網店做緊限時優惠 (最後今晚)，「到手價」2299 人民幣，滿 1880 人仔仲可以減多 200 蚊，即係呢部 Z17 只需 2099 人民幣就可以入手，折合港幣約 $2589。呢部 Nubia Z17，配備 S835 處理器，內置 6GB RAM 以及 64GB ROM，具有 23MP + 12MP 雙主鏡頭，能夠做到 2 倍雙攝變焦 + 10 倍動態變焦，電量方面則有 3200mAh。不過，難唔難買得到呢？有三點要注意：
1. 你要購買呢部 Nubia Z17 的話，首先你要有大陸蘇寧網店 ac，而註冊大陸網店 ac，又需要有大陸電話號碼，咁先可以接收到驗証碼。這是其一。
2. 另外，你又需要找集運公司幫你進行轉運。而版主平常網上購物，最常用到的集運公司，就是「集運王」。只要註冊了集運王的賬戶，然後到蘇寧網店落單，落完單入返去集運王頁面，輸入快遞以及運單編號等資料，就可以等貨品入倉。而版主用過咁多次集運王，認為佢嘅運費相比普遍集運公司便宜得多，一般都是首 kg $10，續重 $6。
3. 最後一點好重要！就係 Nubia Z17 沒有國際 ROM，只能用國內 ROM，變相就沒有 Google Play 等服務。如果真係想用 Google 服務，就要靠 root 機先得，有點麻煩。另外，貨品買到返黎係無本地保養，有乜三長兩短要維修，你都要拎返去大陸搞。
按上圖或按這裡進入購買頁面。
小米 MIX (128GB) 在文章發表時，官網賣價為 $3899，按這裡有詳細規格及最新賣價。
HTC U11 在文章發表時，大舖賣價為 $4598，按這裡有詳細規格及最新賣價。
