今期版主認為性價比最高的手機，應該係紅米 5！雖然官方建議零售價為 $1099，不過就在紅米 5 一出，csl. 已經將紅米 5 減價，最新賣價為 $999。可能你會話，減得果 $100 好似唔係好多咋喎。但其實版主覺得，csl. 真係好識得捉緊顧客購物的心理，呢 $100 已經足以將紅米 5 由「千元機」(千元機定義為 $1000-$1999)，榮升至「百元機」，$1000 有找，聽落都好聽好多吧？而且，紅米 5 原價已經好平，而家減多 $100，其實按折扣來說，已經叫做有九折優惠，其實唔算少了。
▲ 唔單止機價減 $100，而且仲有 100 Club 積分。
相比起紅米 5 Plus，紅米 5 無論是屏幕大小、記憶體、儲存容量、CPU 效能、電量等各方面，都顯得相對較弱，但都叫做有 5.7 吋 18:9 HD+ 芒，配備 Qualcomm S450 唔係用 MTK U，內置 3GB RAM 以及 32GB ROM，電量都有 3300mAh，一天使用應該沒有大問題。而相比昨日版主 Keith 介紹的 Sugar Y12，雖然紅米 5 機背外觀上沒有 Sugar Y12 咁靚，但從性價比來說，版主個人認為紅米 5 呢個價更有競爭性。
▲ 紅米 5 Plus 同紅米 5 的效能差別。至於配備 5.99 吋 FHD+ 芒、S625 U、4GB / 64GB、4000mAh 電的紅米 5 Plus，csl. 同樣以「即減 $100」的價錢出售，最新賣價為 $1399。你又會揀紅米 5、紅米 5 Plus 抑或版主 Keith 介紹果部 Sugar Y12 呢？
紅米 5、紅米 5 Plus 同 Sugar Y12 相差幾遠? ePrice 比拼系統話你知！
▲ 按上圖或按這裡，查看紅米 5 及紅米 5 Plus 的差別。
紅米 5 在文章發表時，csl. 賣價為 $999，按這裡有詳細規格及最新賣價。
紅米 5 Plus 在文章發表時，csl. 賣價為 $1399，按這裡有詳細規格及最新賣價。
Sugar Y12 於文章發表時，建議零售價為 $1298，按這裡有詳細規格及最新賣價。
