版主爆料：Vivo X21 屏下指紋版 香港上市資訊全曝光，賣價有驚喜？

左定坤 (Cho Ting Kwan) 2018-04-26 19:03 | Vivo

近期最吸引到版主，令版主玩到唔捨得放手的手機，一定是華為的 P20 Pro！一般使用你係唔會覺得有幾勁，最多會覺得系統幾順暢，同埋非常慳電，但當你去旅行影夜景的時候，也許你會讚嘆 P20 Pro 夜景模式的質素。不過無論華為 P20 Pro 影相有幾勁都好，版主身邊有位朋友，卻對另一部手機感興趣多點，非常關心到底呢部手機幾時出、賣幾錢。講緊嘅係 Vivo X21，佢係香港首部具有屏下指紋技術的手機，聽日正式在香港發表，而版主就收到風，得知呢部 X21 的香港上市資訊。唔知版主呢位朋友，知道咗個價之後，仲會唔會有興趣呢？



雖然聽日先係發佈會，不過版主已經事先得知 Vivo X21 的香港上市資訊以及香港賣價。根據我收到的消息，Vivo X21 將會在 5 月 1 日正式開賣，建議零售價為 $4498，並且似乎只有黑色一種顏色。$4498 呢個價，跟大陸賣價 3598 人民幣 (折合港幣約 $4466) 相當接近，網友覺得呢個價有沒有驚喜呢？



Vivo X21 UD，最大的賣點就是支持屏下指紋技術，外觀就無乜特別設計，採用了 6.28 吋 19:9 芒，都係同 iPhone X 差不多樣，有直向雙主鏡頭以及 M 字額，只不過個瀏海相比 iPhone X 無咁闊而已。規格方面，Vivo X21 配備了 Qualcomm S660 處理器，雖然並不是旗艦 U，但基本上呢粒 U 用來玩大部份遊戲，都相當夠用。另外，X21 內置 6GB RAM 以及 128GB ROM，具有 12MP + 5MP 雙主鏡頭以及 12MP 前置鏡頭，並支持 DualPixel 傳感器。

Vivo X21 屏下指紋版香港賣價 + 上市資訊
建議零售價：$4498
上市日期：5 月 1 日
顏色：黑色

Vivo X21 (屏下指紋版) 在文章發表時，建議零售價為 $4498，按這裡有詳細規格及最新賣價。