OnePlus 2 4GB RAM 版本香港定價確定!性價比夠唔夠高?

Lawrence 2015-07-28 17:58 | Oneplus
剛剛係朝早 OnePlus 就正式推出左新一代被喻為「旗艦機殺手」的 OnePlus 2 ,相信大家都相當了解呢部機的規格啦!雖然係發佈會上官方並未提到 OnePlus 2 香港最終的定價會係幾錢同埋大約幾時可以買到,係香港版的網站上 OnePlus 都只係提到呢部機會係賣 $2399 起,不過版主發現原來 OnePlus 一早就已經「自爆定價」,各版本手機價錢早已曝光,一齊來睇睇。

//timgm.eprice.com.hk/hk/mobile/img/2015-07/28/202833/lawrencelaw_1_4988_8b14a91f4734bf4eb65142b379a4349a.jpg

OnePlus Youtube 自爆定價,4GB RAM + 64GB Rom 版貴唔貴?

點解係官網上價錢都未有但係版主會話 OnePlus 2 價錢一早曝光呢?原來係發佈之前一日, OnePlus 創辦人劉作虎就係 Youtube 上出左一段片,當中就自爆左 OnePlus 2 的定價!當中除左有歐美主要國家之外連香港以及台灣亦有提到,當中 3GBRAM + 16GB 內置容量版本定價為 $2399 ,呢樣同香港 OnePlus 官網資料一致!而 4GB RAM + 64GB 版本定價就比起 16GB 版本貴 $400 ,要 $2799 。如果從價錢來講,今次 OnePlus 2 真係可以話香港目前最平的 S810 手機,因為當 G Flex 2 同 HTC One M9 係大鋪都仍然要三千尾,水貨 Nubia Z9 Max 都要三字頭的時候, OnePlus 2 3GB RAM + 16GB 版都只係 $2399 ,唔知同目前的性價比強機好像 Asus 的 Zenfone 2 相比大家又覺得邊部更吸引呢?

//timgm.eprice.com.hk/hk/mobile/img/2015-07/28/202833/lawrencelaw_3_4988_03286d02ab09fd017be33f44e79166ab.jpg
▲ 心水清的朋友應該會發現,其實計返香港版本的定價對比美國同大陸的話,都係平少少的!大家會唔會同版主一樣覺得著數左呢?icon


OnePlus 2 國際版同步開賣,都係要行邀請制度但細節有不同

另一樣大家都關心的重點就係發售日期了,有外國網站提到 OnePlus 2 係美國、加拿大、印度等地區會於 8 月 11 號開售,呢啲國家都係在發佈會上提到將會係國際版 OnePlus2 第一波發售的地區,咁香港又有無份呢?雖然發佈會上未有提到,但係版主查詢過 OnePlus 好幾次,得到的答案都是香港都會係第一輪 OnePlus 2 發售的地區,不過要行「邀請制」咁解。 提到「邀請制」大家應該都唔陌生啦,上年 OnePlus One 就係因為貨量不足,官方推出左「邀請制」,即係收到「邀請」的朋友先可以入手 OnePlus 。呢項措施相信令大家都感到厭煩,所以今次 OnePlus 就係「邀請制」的細節上作出少少改動。

係發佈會上 OnePlus 都提到收到「邀請」的朋友係入手 OnePlus 2 後,雖然用左本來的名額。但係之後就會收到一個新的「邀請」,而呢個「邀請」係可以轉送給其他人,至於實際執行上能否令有意入手新機的朋友更快買到機,就要到正式開賣先知啦!

//timgm.eprice.com.hk/hk/mobile/img/2015-07/28/202833/lawrencelaw_1_4988_b7266831c3cd0e8750a12102e8024786.jpg
▲ 係 OnePlus 香港官網上大家可以見到「邀請制度」的介紹,據悉過左 8 月後大家有機會能夠直接買到,唔使等到頸都長。

來源: OnePlus Youtube

最新新聞