其實呢兩部機唔係第一部超平價支援中港 4G 嘅智能手機，之前 Meizu 都推出過一部千元樓下嘅 M2，而且個規格仲勁好多添! 但係呢佢最麻煩嘅地方係用 MTK 嘅 CPU，如果你用緊中國漫遊嘅話，你要裝一啲軟件先可以喺大陸用到 3G TD-SCDMA 網絡，版主 Keith 之前實測都講過，相對下有啲唔方便。而呢兩部 A1、N1，因為用左 Qualcomm CPU，就無呢個問題，呢點亦係呢兩部機嘅優勢所在。
AND A1 九百有找
呢部 A1 嘅機身尺吋為 142 mm x 71.9 mm x 9 mm， 採用了 5 吋 IPS 高清屏幕，配搭了 Qualcomm Snapdragon S410 四核心處理器，並內置 1GB RAM 以及 8GB ROM，可支持 32 GB 外置記憶卡。電量方面，A1 採用了 3000 mAh 電池，讓你可以享受持久的續航力，唔洗擔心電話成日會無電! 在相機方面，A1 配備了 800 萬像素 F/2.0 片式主鏡頭以及 200 萬像素前置鏡頭。如剛才所說，呢部機最大嘅特點係佢支持中港兩地 4G 網絡，並支援雙卡雙待，售價只需 HK $888，有金、灰兩種顏色俾你選擇。你話邊度可以搵到咁平又支持中港 4G 嘅手機呢?
AND N1
另一部要介紹嘅手機係 N1。呢部 N1 嘅規格上比 A1 好少少，咁當然價錢都會貴少少啦! 外型方面，呢部 N1 同樣採用了 5 吋 IPS 高清屏幕以及 Qualcomm Snapdragon S615 四核心處理器，並配備了 2GB RAM 以及 16GB ROM。N1 在電量方面比 A1 少左 200 mAh，即 2800 mAh，但對非高使用量用家黎講，都唔會有太大影響。相機方面， N1 配備了 1300 萬像素主鏡頭以及 500 萬像素前置鏡頭，並能夠自動選擇最佳拍攝模式，助你輕鬆拍下最美時刻。同 A1 一樣嘅係，呢部 N1 都係支援中港 4G 雙卡雙待，並支援五模十一個頻段。而 N1 預設嘅作業系統將會是 Android 5.0，售價為 HK $1288，有白、金兩種顏色供你選擇。
睇完以上嘅介紹，有無興趣入番部用下呢? 雖然呢兩部機嘅規格方面唔係話太勁，但係如果就支援中港 4G 嘅智能手機黎講，呢兩部機特別是 A1 都稱得上最平嘅手機。你又點睇呢?
圖片來源：91 門戶 | Chinaz