之前 Letv Le 1 正式公佈規格的時侯，因為有著 5.5 吋的 FHD 屏幕、配 MTK Helio X10 八核心處理器、3GB RAM 、香港直接推出 32GB 版本、採用 1300 萬像素主鏡頭與公佈有雙卡雙等雙 4G ，大陸就將這個版本定價於 $1,599 人民幣（約 $1,940 港幣），傳聞樂 1 會在 $2,500 有找的價位，性價比與大品牌手機相比，的確贏在性價比，而最高規格的Le Max 上次版主同大家做過開箱，6.3 吋 2K 屏幕、S810 + 4GB RAM ，就算與最新發佈的 Samsung Galaxy Note 5 比也不遜色，不過好可惜大家都見唔到呢兩部手機係香港出行貨。
版主們在星期日晚上收到消息， Letv 取消了原定在今日 (17 日）的Le 1 香港發佈會，然後亦問過相關人士，得到的回覆是：「無論是Le 1 、Le 1 Pro 與 Le Max 都決定不會在香港上市」這個消息，那麼電腦節的優惠「買手機送電視」優惠，版主猜就會取消了。
八卦既版主就問多兩句，問 Letv 係咪因為紅米 Note 2 同樣是 FHD+ MTK Helio X10 的配置，價錢賣 $799 人民幣（約 $1,000 港幣）價錢低一截而從新考慮，佢地回應就話從來都唔係鬥「硬件規格」，而係講整體體驗。取代 Le 1 既方案，Letv 指即將會有一部從來未發佈，未有任何消息的手機將會發佈，而香港會第一時間引入新機，其實咁都見到有誠意，發佈之後過半年、九個月先賣，真係差唔多變過期科技先賣比香港人，大家都唔想吧？
版主們亦會跟大家緊貼 Letv 開賣的最新消息，大家記得留意 ePrice.com.hk 的主頁與 Facebook Page 。
網上仍然倒數緊 Let 超級手機的開賣，但版主知道稍後會取消。