64GB 大芒平價鬥!你會點揀呢?
今次要講嘅減價大芒手機有以下幾部:LeEco Le Max 2、三星 C9 Pro 以及 Sony Xperia XA Ultra。同以往版主寫場料的風格唔同,版主今次會盡量簡而精,同大家講價格上的變動。比較主要係 Le Max 2,有留意開市場行情的網友,都知道 Le Max 2 近期在大舖減了價,由原來的 $3199,減多 $200,最新賣價為 $2999。但要平,就當然唔會在大舖買,深水埗細舖平多一百,唔抵,但 64GB 水貨價而家 $2280 就買到。至於 C9 Pro,行貨價暫時仲係 $3398 左右,不過水貨已跌穿三千,賣 $2900 左右,網友又會唔會考慮?講到最多人大讚高性價比嘅,估唔到係小米 Max,不過得水貨先有 64GB,最新賣價為 $1780,呢幾部 64GB 大芒機當中,你會點揀呢?▲ Le Max 2 近期由「即減 $400」,改為「即減 $600」,最新賣價為 $2999。想平平地粗用,可以考慮水貨,64GB $2280 就可以入手。唔需要用到 64GB 嘅,32GB 水貨價都係 $1480,算唔算平?
▲ 至於三星 C9 Pro,則暫時企硬「即減 $200」,即 $3798。但係水貨價已經跌到 $2900 左右,比原價平左成千蚊!
▲ 小米 Max 除左 64GB 之外,水貨仲有 32GB 同 128GB,32GB 賣 $1480,64GB 現時最新價係 $1780,至於 128GB 版本,都不過是 $2080,買黎粗用確實超值。你又點睇呢?
ePrice.HK 手機比拼系統!睇真啲邊部機值得入手!
▲ 按上圖或按這裡,可以比較幾部 64GB 大芒手機的分別,另外亦加入了最新發表的 Xperia XA1 Ultra。
Sony Xperia XA1 Ultra 在文章發表時,香港上市日期未定,按這裡有詳細規格及最新賣價。
Samsung Galaxy C9 Pro 在文章發表時,大舖賣價為 $3798,按這裡有詳細規格及最新賣價。
小米 Max 在文章發表時,官網正缺貨,最後賣價為 $1599,按這裡有詳細規格及最新賣價。
LeEco Le Max 2 在文章發表時,大舖賣價為 $2999,按這裡有詳細規格及最新賣價。