旗艦前置鏡頭比一比! Sony Xperia XA Ultra 日夜自拍有驚喜

熊大 2016-08-04 20:38 | Sony
認識熊大的,都知道我很喜歡 Sony 手機,喜歡的不單止是它的外型設計,更甚的是它的相機效能。早前熊大有幸向 ePrice 借了 X Performance 試玩,並跟大家分享過它的 0.6 秒快速啟動連拍攝功能,實在令熊大大開眼界。然而,另一款六吋芒手機 Xperia XA Ultra,又有另一樣吸引力,除了具有拍得上 X Performance 的 2150 萬像素主鏡頭,前置鏡頭更是重點,甚至可以說比近期的旗艦手機更強!雖然熊大平時都很喜歡自拍,不過為免放自己自拍相出黎嚇親大家,所以熊大邀請了朋友彤彤,示範一下 Sony Xperia XA Ultra 自拍的威力。

XA Ultra adv(Facebook).jpg

六吋巨芒大大部,自拍一樣咁方便
熊大認為,XA Ultra 無論在日間抑或夜晚上,都絕對稱得上是一部自拍神器。不過,有好多網友會好奇,XA Ultra 有六吋大芒,但 sell 自拍,咁大部自拍起上黎,真的會方便嗎?熊大想講,大芒機自拍一樣可以好方便,原因就係,XA Ultra 擁有很多觸動快門的方式,例如微笑快門、手勢快門、自拍計時器等等,你亦可以將右側的音量鍵,自行設定為「快門」。當然,XA Ultra 右側具有 Sony 獨有的實體快門鍵,如果打橫自拍的話,就會相對方便一點。有咁多觸動快門的方式,芒大,so what?

IMG_4806_01.jpg
▲ XA Ultra 有多種觸動快門的方式,無論直拍抑或橫拍,一樣咁方便。熊大個人就覺得,將音量鍵設定為「快門」,直拍的話係最就手的,而橫拍的話,Sony 獨有的實體快門鍵則更為方便。

XA Ultra 1600 萬像素前置相機,揮低近期旗艦機
剛才提到,XA Ultra 在自拍方面,尤其是在夜拍上,表現相當出色。原因有二:第一,XA Ultra 具有 1600 萬超高像素前置鏡頭,配合 Sony 強大的高感光影像感測器,能夠在昏暗環境下,能夠拍出清晰、細緻的照片;第二,就是它加入了「夜景肖像閃光燈」功能,即是當在夜晚自拍時,無論人樣抑或背後夜景,都可以清晰影低。為了能讓大家更了解 XA Ultra 前鏡的威力,熊大挑選了某廠一部用上 S820 CPU 的旗艦機,跟 XA Ultra 作個比較,發現 XA Ultra 在前鏡上,真係可以揮低旗艦機。睇下圖啦!

室外環境日照

20160709_144711_01.jpg
▲ 某 S820 手機作品

DSC_0086_01.jpg
▲ Sony Xperia XA Ultra 作品

首先看看第一組圖,在明亮環境下,站在同一位置自拍。XA Ultra 拍出來相片嘅對比度,相比對手拍出來高,而且顏色相對實淨啲,無對手咁柔,更加清晰。

室外環境夜拍
睇相之前,熊大想同大家介紹一下,在 Sony XA Ultra 上針對夜拍的新功能,這個功能叫做「夜景肖像閃光燈」,亦因為這個功能,熊大會說 XA Ultra 是夜間自拍最好的手機。平時用其他手機在夜間自拍,因為大部份手機都沒有前置閃光燈,總會覺得影出黎的效果未如理想,影完可能成塊臉黑哂咁,咁肉酸都唔好意思 post 上 Facebook 同人分享。然而,在 XA Ultra 前置鏡頭的旁邊,你會見到有個閃光燈,只要開啟「夜景肖像閃光燈」功能,在夜間拍攝時能夠為人臉補光之餘,更會將快門減慢,令背景光線瞬間移動,營造出特別的光線拉扯效果,亦即是我們平時所說的光影效果。咁得意? 一齊睇下! 

夜景自拍比較(Facebook).jpg
(左圖) 另一品牌旗艦手機:從天的顏色可以見到,有點假,未能還原現場環境色彩,不夠 XA Ultra 自然,但不得不說人像仍然是非常清晰的。
▶ (中圖) 關上閃光燈的 Sony Xperia XA Ultra:關上閃光燈所拍出來的,可以看到膚色比較淡,但因為現場有街燈,所以睇落都仲 OK。
(右圖) 開啟「夜景肖像閃光燈」的 Sony Xperia XA Ultra:開啟了這項功能之後,你會看到明顯分別,背景望得一清二楚之餘,亦能夠突出到主體。


夜景自拍比較2.jpg
(左圖) 另一品牌旗艦手機:雖然另一品牌旗艦機影出黎都仲係好光,但跟剛才的一樣,都是不及 XA Ultra 自然。
(中圖) 關上閃光燈的 Sony Xperia XA Ultra:隨着光線愈來愈少,就愈來愈能夠感受到,「夜景肖像閃光燈」的效果。
(右圖) 開啟「夜景肖像閃光燈」的 Sony Xperia XA Ultra:一開埋「夜景肖像閃光燈」,成個感覺完全唔同哂!你覺得,邊張最靚最自然呢?
 
DSC_0271DSC_0268
▲ 光線愈少,優勢愈明顯。左圖為 XA Ultra 未開「夜景肖像閃光燈」,而右圖則為 XA Ultra 已開「夜景肖像閃光燈」。)
 
DSC_0279
▲ 以上為 XA Ultra「夜景肖像閃光燈」制造光影效果的示範。這個功能在夜間拍攝時能夠為人臉補光之餘,更會將快門減慢,令背景光線瞬間移動,營造出特別的光線拉扯效果,亦即類似我們平時所說的光影效果。

前置相機具有 OIS 光學防震功能,邊行邊拍更穩定
Sony XA Ultra 的前置鏡頭除了在夜間拍攝表現出色之外,事實上在影片拍攝部份亦表現不錯,全因 XA Ultra 具有 OIS 光學防震功能。熊大利用 XA Ultra 跟某近期旗艦機同時進行前置錄影,讓大家看看,具備 OIS 光學防震的 XA Ultra,如何完勝對手。

IMG_4913.JPG
▲ 呢類的「自拍神棍」能夠同時裝上兩部手機,方便熊大進行比拼。


▲ 從影片中可以看到,在邊行邊拎住碌「自拍神棍」錄片,XA Ultra 雖然都會有震(這關係於郁動的幅度),但無某近期旗艦機震得那麼明顯,可以說是完勝對手。

小結
繼 Sony Xperia X Performance 之後,Xperia XA Ultra 又是一部令熊大心動之作,對於中意自拍的熊大來說,前置獨有的「夜景肖像閃光燈」功能,真是非常好用,特別在夜間拍攝上,補光做得非常好,令熊大很滿意。當然,夜間拍攝都無問題,日間就更不用說了! 另外,Sony XA Ultra 的主鏡頭亦具有快速啟動連拍攝,即係即使待機畫面都只要一按 shutter 掣就開左相機兼影埋,呢項功能更是其他品牌手機做唔到的,方便之餘又實用。不單如此,XA Ultra 在外型上亦非常美觀,具有超窄的邊框設計以及六吋咁大嘅屏幕,就算平時用黎作打機睇片等娛樂用途,感覺相信都會不錯。整體來說,Xperia XA Ultra 絕對是一部專為「相機」而設的手機,前後鏡頭的拍攝效果相當不錯呢!

資料由客戶提供

相關產品 (1)

相關報導 (8)

唔駛二千!二千萬鏡頭 + Android 7.0 手機

唔駛二千!二千萬鏡頭 + Android 7.0 手機

手機嘅相機像素,最大係二千一百萬!比起唔少數碼相機像素都要大。雖然,影得好與像素高係必然關係,但市面上嘅二千萬像素相機手機,拍出來嘅成像都係有板有眼,尤其對於成日要影Presentation做紀錄嘅網友,二千萬像素相機係有用嘅!咁如果二千唔駛,仲可以行Andriod7系統,係咪值得搶番部?

Keith Yim | 2016-12-07
旗艦前置鏡頭比一比! Sony Xperia XA Ultra 日夜自拍有驚喜

旗艦前置鏡頭比一比! Sony Xperia XA Ultra 日夜自拍有驚喜

六吋芒手機XperiaXAUltra,又有另一樣吸引力,除了具有拍得上XPerformance的2150萬像素主鏡頭,前置鏡頭更是重點,甚至可以說比近期的旗艦手機更強!雖然熊大平時都很喜歡自拍,不過為免放自己自拍相出黎嚇親大家,所以熊大邀請了朋友彤彤示範。

熊大 | 2016-08-04
六吋 Sony 大芒機 Xperia XA Ultra,一出即減跌到二字頭!

六吋 Sony 大芒機 Xperia XA Ultra,一出即減跌到二字頭!

嫌五吋手機唔夠大?就在剛剛,Sony就發表了X系列首部的六吋手機XperiaXAUltra。一如昨日版主Keith所爆,SonyXperiaXAUltra一開價,就同之前Expansys個價差不多,證明Expansys標出來的價錢,還是有參考價值的。見到十個有八個網友都嫌貴,但係不要忘記,今時今日手機的建議零售價,已經不能太過認真對待,因為大部份手機一推出,大舖已經有「即減優惠」,唔標高啲點有得減係咪先?睇下今次XAUltra又減幾多啦!

左定坤 (Cho Ting Kwan) | 2016-06-30
六吋芒機減價! 獨家爆 Sony Xperia XA Ultra 香港賣價,夠打嗎!

六吋芒機減價! 獨家爆 Sony Xperia XA Ultra 香港賣價,夠打嗎!

版主Keith其實覺得,用大芒手機,不如用平板!去到5.2吋已係我嘅極限。但係好多網友唔同意,好多人都話,屏幕無5.5吋,唔駛考慮,六吋就最好不過。好啦好啦,Sony順應潮流,係本來五吋芒嘅XperiaX系列上,加入6吋芒嘅XAUltra。跟XperiaXA一樣,用上超窄邊框,令6吋大芒機,都唔會太大部。今日版主取得香港建議零售價資料,亦發覺,原來呢排六吋或以上大芒機,都好多選擇,仲減到個價好靚!到底,XAUltra呢個價,能否得到網友歡心

Keith Yim | 2016-06-29
第四部 Sony X 系列新機要來了! 6 吋芒皇 XA Ultra 抵港有期!

第四部 Sony X 系列新機要來了! 6 吋芒皇 XA Ultra 抵港有期!

第四部SonyX系列新機要來了!6吋芒皇XAUltra抵港有期!

左定坤 (Cho Ting Kwan) | 2016-06-23
版主爆料 : MOTO + Lenovo 有新代理 ! 新機低調挑機 XA Ultra

版主爆料 : MOTO + Lenovo 有新代理 ! 新機低調挑機 XA Ultra

版主收到風,已有一間代理商跟Lenovo簽下一字合約,未來Lenovo與Motorola智能手機會有行貨推出!第一炮已登陸香港,唔聲唔聲,原來呢部係SonyXperiaXAUltra嘅最大對手來,名字叫Lenovo樂檬Note2A7020。

Keith Yim | 2016-06-13
​六吋 Full HD Sony Ultra 來了! Xperia XA Ultra 突然現身

​六吋 Full HD Sony Ultra 來了! Xperia XA Ultra 突然現身

早前版主去過日本東京,了解過SonyXperiaX系列三機。有網友覺得,全部五吋芒,都唔係香港人口胃。SonyMobile今天為XperiaX系列增添新成員,配備6吋超大屏幕的XAUltra現身啦!六吋FullHD芒,你應該會留意嘅!除了大屏幕外,它更引入1600萬像素前置鏡頭、並加入低感光處理器及OIS光學防手震、及配備特長電池續航力,再配以極近無邊框屏幕及型格的流線形設計,應好合亞洲用家,包括香港用家口味。

Keith Yim | 2016-05-17
六吋巨芒 Sony Xperia XA Ultra 一手評測 + 實拍示範

六吋巨芒 Sony Xperia XA Ultra 一手評測 + 實拍示範

Sony今天發布的六吋新機XperiaXAUltra,外型就像XA的放大版,但規格又稍微提高一些,主要賣點是FullHD大屏幕和前置自拍OIS相機。既然特別為前相機加入光學防震功能,XAUltra主打功能就集中在自拍上面,網站GSMArena已經取得實機,同時在他們發佈的報導之中,我們也可看見Sony為XAUltra特別設計的自拍新功能;最後,還有二張前後鏡頭各自拍攝的相片成品展示。

Keith Yim | 2016-05-17

最新新聞