平盡全港! 一千有找有六吋大芒! Alcatel Pixi 4 (6 吋) 實力評測

Keith Yim 2016-08-28 19:48 | Alcatel
之前版主已介紹過,Alcatel 係香港推出一部六吋大芒手機: Pixi 4 六吋。網友睇了後,大部份應為呢部機規格實在太水皮,更有網友質疑,呢個規格嘅手機,係咪連 720p 的視頻都播唔到,連捉精靈也有困難?  但事實又係,若果你得千三蚊,幾乎無可能買到一部大品牌的六吋芒手機,若果你 budget 認真有限,呢部機你好大可能會考慮之列。今次版主,就用日常最常用嘅功能出發,去測試一下,呢部低規巨芒手機,算唔算大伏。

fb.jpg

是否中伏 001 :外型造工 不用想太多
自小米推出千元中規手機,大家對手機嘅造工,都有點期望。Alcatel Pixi 4 真機上手,大家唔會有小米那種手機嘅質感,換上來是就是很廉價的塑膠。至於屏幕,雖然官方規格說是 IPS 屏幕,而的確效果係不錯,但似乎唔係用 Gloria Glass,都係好似一塊膠貼在機面上面,不用再說什麼 2.5D 玻璃、全貼合。

keithyim_3_e3dc5e5d39fbb981381c3e673fa34f10.jpgkeithyim_3_3bfc989780350d362ed1a1924f834adf.jpg
▲ alcatel 標誌,而係今年轉了,但亦寫得好清楚 Powered by TCL。

DSC_0385.JPG
▲ 跟機有 micro USB  線,簡單嘅耳機,亦有一個 5V / 1A 充電器。要充滿 Alcatel Pixi 4 嘅 2580mAH 電池,都要三小時左右。 

螢幕快照 2016-08-30 下午4.18.15.jpg
▲ 採用熱感式按鍵,機背有八百萬像素鏡頭。

keithyim_3_393d967306da215f6706c5d5b56bb524.jpgkeithyim_3_affe515f54ee11ee0995341f1e41c922.jpg
▲ 機底有 MicroUSB 埠;機背則有揚聲器。

DSC_0411.JPG
▲ MicroSIM 雙卡雙待,亦有獨立 microSD 插槽。

是否中伏? 買手機,都一定會試機,手感呢件事,上手一分鐘已 Feel 到,接受到就買,接受唔到就唔買。平價六吋大芒本身就係屈機,呢個價,你搵到第二部才算,再者,小米手機最紅個陣,咪又係呢 D 質地。

是否中伏 002 :屏幕大比拼

Alcatel 手機最出名什麼:屏幕。六吋手機版主手頭上暫時無機,但有部用 Super AMOLED 1080p 5.5 吋嘅 OnePlus 3,可以用來作比拼。Alcatel 官方說,Pixi 4 (6 吋) 版本是用上 IPS 屏幕,但注意只有 720p 1280 x 720 解像度,預期畫質會比 OnePlus 3 差的,但差幾多呢?以下比較圖片說真相。

DSC_0012.JPG
▲ 上面為 OnePlus 3 5.5 吋 AMOLED Full 屏幕,下圖為 Pixi 4 6吋 IPS HD 屏幕 ,AMOLED 屏幕再加上 Full HD 解像度,令圖中嘅小貓顏色比較豐富一些。Pixi 4 色彩來得淡一點。

DSC_0014.JPG DSC_0014.JPG
▲再比較一下細緻度。

DSC_0021.JPG
▲ 左面為 Pixi 4嘅側視效果,都 Keep 到應有嘅白色。而右面的 OnePlus 3 雖然比較光亮,但顏色顯得暖一點。

DSC_0020.JPG
▲ 再比較一下,顯示白色情況,上面為 OnePlus 3 下圖為 Alcatel Pixi 4 (六吋)。

是否中伏?  6 吋配 720p 芒,圖片顯示細緻度會比較輸蝕是預期之內,反而色準與色溫準確才是重點! 係呢方面,Alcatel Pixi 4 (6吋) 做得 OK 唔錯。

是否中伏 003 :連 720p 片都播唔到?

Alcatel Pixi 4 (6 吋) 從規格資料上看,都嚇死不少網友,因為佢用上 Qualcomm Snapdragon 210 處理器,並只配 1.5GB RAM。呢個組合,無錯係 AnTuTu 跑分上面,由 CPU 效能去到 GPU 速度,都會包尾,但唔代表部機用唔到。有網友問,係咪會連 720p 片都播唔到?其實 Qualcomm 說明書寫得好清楚 S210 支援最高八百萬像素相機 + 720p 視訊解碼!版主亦做過實測,YouTube 會自動最高給你 720p 解像度,只要網速夠快,一樣播得到。而主流嘅視頻 app,如 myTV、ViuTV、樂視影視、LeSports HK 都全部睇到,仲要好順。所以用 Pixi 4 (6 吋) 睇視頻,係完全無問題。順帶一提,Alcatel Pixi  4 (6 吋) 支援播放 FLAC,版主嘅 Hi-Res 24 bit 音樂,一樣可以透過  Pixi 4 播放,當然,可以播放,與係咪輸出高清音效,又係兩回事,但只要配合一隻比較好耳機,音質還是可以接受,唔會好差。


▲ YouTube 播放 720p 效果。

b01.jpg b02.jpg
▲ 可以用到 ViuTV、LeSports 及 MyTV 等香港視頻 App。

是否中伏?6 吋大芒機,用來睇片、睇相,係播放影片部份,應該無投訴。

是否中伏 004 :捉。精。靈

以版主觀察,選擇千幾蚊手機嘅人,多數係無乜 Budget 嘅主婦或世伯,佢地玩嘅 Game,唔會要求好重 3D 效果。我用Pokemon Go 做測試,呢部機係唔可以啟動 AR,即係你唔可以與精靈合照,但一樣照捉精靈,照上「道場」開戰,但可以叫做順。例如,版主見到一隻少見嘅精靈,但發覺自己嘅 Pokemon Bag 已滿座,要選擇賣走邊隻精靈嗰陣,反應就有點慢。


▲ 用  Alcatel Pixi 4 玩 Pokenmon Go 嘅情況。 

是否中伏?捉精靈,玩 Pokemon Go 是 OK 的,但心態只能旨在參予,若果你捉少一隻,都會好唔開心嘅話,就唔好用呢部機去玩了。

日常使用後感

市面上太多中上規格,外型又差唔多嘅手機、或者高規格但加入跟本唔實用嘅超高科技功能,示範話佢好勁,但實際你又唔會用解鎖技術,試了笑一笑就算。所以我才挑戰呢部網友極嫌棄型號。我用了呢部 Alcatel Pixi 4 (6 吋) 大約一星期。ePrice.HK 之前都講過好多次 Android 6.0 係好重要,係一個重要嘅升級,而 Pixi 4 都叫運用得 Android 6 好好,我哋見到 Alcatel 嘅 UI 係好「Stock」近乎 Android 6.0 原生,有App Drawer 之餘亦唔算加太多花款;手機本身只有 16GB ROM,但居然用到 Adaptive Storage,即係你可以用把記憶卡變為內置記憶體,已增大儲 App、儲 WhatsApp 資料嘅容量,唔一定硬要搵  64GB ROM 版本。手機運作順暢嗎? 我有裝 Kill Apps 嘅 App,即係 HTC Boosts 會令手機運作比較正常。但始終我用慣了 Flagship 會嫌打中文字反應有點遲緩,App 與 App 之間轉換有點慢,但使用感受都唔會太差,日常使用 OK 無問題。

螢幕快照 2016-08-30 下午4.17.57.jpg
▲ 採用近乎 Stock 嘅介面。

螢幕快照 2016-08-30 下午4.18.34.jpg
▲ 手機己有 OneTouch 加速,用來 Kill 走不用的 RAM。不過我還愛用 HTC Boost+ 其智慧加速功能,會自動把唔用嘅 RAM Kill 走,加快手機速度,所以 1.5GB RAM 用落也沒有特别慢。


螢幕快照 2016-08-30 下午4.18.45.jpg
 ▲入門機也支援 Adaptive Storage。而手機 ROM Size 不過是 6GB 左右,16GB ROM,也有 10GB 容量及用家裝 App、儲相。此外,呢部手機係 Geekbench 3 電池測試做到 9 小時三十分成績,電池效能好過其他 S820 CPU 手機呢!

camera.jpg
▲ 手機相機嘅功能如上,提一提呢部機嘅前置鏡頭,都有補光燈,入門機少見。

01.jpg 02.jpg
04.jpg 05.jpg
▲ 上面有四張試相。

小結:大芒是屈機

千三蚊,可以係小米官網,買一部比 Alcatel Pixi 4 (6 吋) 規格更好,使用更流暢嘅手機。呢部機存在價值,就係屈機:原價 $1399 已找不到六吋大芒,又係知名品牌嘅選擇。而係屏幕部份,Alcatel Pixi 4 (6 吋) 亦父足功課,睇片 Easy,效果合格之上。最得人驚,版主見過細舖仲可以賣到 $999,一千有找!你話佢差,但其實無 Replacement,佢已 Win 晒。

20160827_193537.jpg

Alcatel Pixi 4 (六吋) 係文章刊登時,大舖賣價為 $1399,按這裡有更詳細規格及最新賣價
 

相關產品 (1)

相關報導 (2)

平盡全港! 一千有找有六吋大芒!   Alcatel Pixi 4 (6 吋) 實力評測

平盡全港! 一千有找有六吋大芒! Alcatel Pixi 4 (6 吋) 實力評測

之前版主已介紹過,Alcatel係香港推出一部六吋大芒手機:Pixi4六吋。網友睇了後,大部份應為呢部機規格實在太水皮,更有網友質疑,呢個規格嘅手機,係咪連720p的視頻都播唔到,連捉精靈也有困難?但事實又係,若果你得千三蚊,幾乎無可能買到一部大品牌的六吋芒手機,若果你budget認真有限,呢部機你好大可能會考慮之列。今次版主,就用日常最常用嘅功能出發,去測試一下,呢部低規巨芒手機,算唔算大伏。

Keith Yim | 2016-08-31
唔洗千四蚊,入手 Android 6.0 六吋手機!

唔洗千四蚊,入手 Android 6.0 六吋手機!

大芒手機,不少網友都喜歡,屏幕愈大就愈好,好處當然是視覺感覺更佳,特別是在看電影、玩遊戲的時候。說到大芒手機,版主覺得以六吋芒最為適合,我以前用過的HUAWEIMate7、Mate8,也是六吋手機,不過市面上一般的六吋手機,很多時候都不便宜,像是SamsungGalaxyA9(2016)、HUAWEIMate8,都是三千以上,當然如果是上代機款如Mate7,就只需$1998就可以買到。有沒有想過,其實千四有找,也已經可以買到六吋大芒機?想知道的話,看下文吧!

左定坤 (Cho Ting Kwan) | 2016-08-10

最新新聞