靚過 Sharp,超高屏佔比!真無邊框大芒機 小米 Mix 實機圖賞!

左定坤 (Cho Ting Kwan) 2016-10-25 19:14 | 小米
有驚喜!今日版主來到北京睇小米發佈會,估唔到係有收穫架!唔好講部小米 Note 2 似唔似 Note 7,版主覺得發佈會壓軸出場的小米 Mix,真係好靚,靚到唔識講。可能你會話,佢都係抄考 Sharp 部 Crystal 啫嘛,有乜咁特別?係,呢點我都認同嘅,但小米 Mix 推出呢部無邊框手機,似乎係比 Crystal 還要美觀!未見到真機都未知有乜咁正,見過真機,認真版主係愛上了呢部機,就咁講你可能未必感受到,就等版主同大家分享一下呢部小米 Mix 的真身,讓大家感受一下佢有幾咁靚!

小米 Mix(Facebook).jpg

乜野叫無邊框?小米幾乎做到了!小米 Mix 外型搶先看!
有睇版主之前的文章,都知道版主對無邊框手機,正確來說,係屏佔比好高的手機,非常感興趣。尤其是前排 Sharp 展示了用上 Free Form Display 的真無邊框手機,加上又見 305SH Crystal 減價減到千一蚊,其實認真係有打算入番部收藏/做自用機。但問題係,Specs 方面太過入門級,而且又得 1.5GB RAM,放在今日來看,真係完全不夠看。小米 Mix,雖然你可以話佢係抄考 Sharp 手機,但規格夠旗艦之餘,真身又堅係唔差,配合陶瓷機背,簡直就是版主心目中的手機。難怪小米都稱佢為概念手機啦!

IMG_1370.JPG
▲ 小米 MIX 尊享版真身!

IMG_1376.JPG
▲ 採用了 6.4 吋大屏幕,同部小米 Max 差不多咁大,不過佢最大的賣點係,屏佔比超過 91%,呢個亦係讓我迷上的地方。而雖然屏幕有 6.4 吋,不過版主發覺,拎上手感覺又算幾舒服。

IMG_1375.JPG
▲ 其實機背用上陶瓷材質,終於似乎啲樣,諗起小米 5 當時用陶瓷,真係好靚,唔知做乜小米 5s 又變番膠金屬......網友喜不喜歡呢種材質呢?

IMG_1374.JPG
▲ 機背具備 1600 萬像素主鏡頭,而鏡頭下方亦有指紋辨識器!

IMG_1371.JPG
▲ 機的右側都係有音量鍵以及開關鍵。

IMG_1372.JPG
▲ 而右側則有 SIM 卡槽。

IMG_1378.JPG
▲ 機頂部份會有 3.5mm 耳機孔。

IMG_1377.JPG
▲ 而機底則有雙喇叭以及 USB Type-C 插槽。

IMG_1380.JPG
▲ 你可能會問,咁自拍鏡頭呢?自拍鏡頭改為設在屏幕右下方。

IMG_1381.JPG
▲ 會唔會唔習慣呀?

IMG_1382.JPG
▲ 雷軍表示,小米 Mix 有拍照旋轉功能,唔習慣的話,調轉部機影,咪得囉!

S821 + 6GB RAM + 256GB ROM!尊享版小米 Mix 跑分幾多呢?
小米 Note 2 就話有三個容量版本,咁原來小米 Mix 都有兩個,分別為普通版同埋尊享版,有留意發佈會文章都知,普通版同尊享版都係有 S821 處理器 + 6GB RAM,不同的是儲存容量,前者有 128GB,後者有 256GB,呢個儲存容量,真係完全地足夠有餘!而版主上手試的,是尊享版的小米 Mix,利用安兔兔跑分軟件,簡單做了一個測試,發現跑分並不高,比小米 Note 2 還要低,只有112227 分,3D 性能同小米 Note 2 差不多,但 UX 性能部份就相對地低分,只有 36169 分。不過,分數只係參考,對於唔打機的版主來說,呢個配置絕對夠哂用,最緊要係樣夠靚,自己用得開心,拎出街唔會覺得失禮,何樂而不為?網友對於呢部無邊框手機有無興趣呢?

IMG_1385.JPG

小米 Note 2、小米 Mix 發佈、評測相關文章
曲面屏幕 + 虹膜辨識 打 Note7?小米 Note 2 發佈會直擊!
Note7 再見!梁朝偉 + 小米 Note 2 三千頭有雙曲面旗艦
假概念,似抄襲,真發售!大芒 6.44 吋小米 Mix 突然現身
根本就 Note7!小米 Note 2 極速評測  實機上手 + 跑分
靚過 Sharp,超高屏佔比!真無邊框大芒機  小米 Mix 實機圖賞

小米 MIX (尊享版) 在文章發表時,香港上市日期未定,按這裡有詳細規格及最新賣價

最新新聞