Microsoft Surface Book 發佈的時候，引起到不少網友的迴響，大家似乎對呢部 Surface Book 充滿着期待。不過，早前有外地網民大爆，Microsoft Surface Book 的硬體問題多多，例如出現屏幕閃爍、電池不穩定等情況，所以即使 Surface Book 在其他地方開售後，Microsoft 在一個月內為系統進行多次的升級，以解決用家所提出的問題。而版主估計，當時或者因為問題未解決，導致香港遲遲未有上市。但而家終於有消息了，是否就代表問題已經解決得七七八八呢?
Surface Book 是一部筆電與 Surface 二合一的電腦，全機身採用鎂鋁合金製成，擁有 13.5 吋屏幕，屏幕支援 10 點多點觸控，可以拆出黎當平板用，亦同時配備 Surface Pro 4 的 Microsoft Pen 作文字書寫及繪圖。而配合佢嘅專屬鍵盤，佢就能夠真真正正成為一部筆記型電腦。機側採用了捲軸設計，能夠在使用的時候進行多角度調較，而值得一提的是，Surface Book 的鍵盤是會着燈嘅，而且 Microsoft 稱鍵盤 1.6mm 的深度，能夠讓打字嘅時候更加安靜。
Microsoft Surface Book 將於 2016 年 1 月 15 日在香港公開發售，建議零售價為 HK $11588 起。而版主 Keith 之前都曾經同大家分享過，Surface Book 發佈的時候有多個版本，不過香港官網目前未有資料顯示。以 HK $11588 呢個價錢黎睇，應該就係講緊 Intel i5 處理器 + 8GB RAM + 128GB ROM 的版本，比發佈時的美國定價略為便宜。唔知大家會唔會開賣的時候即搶 Surface Book 呢?
▲ 美國 Microsoft 方面有以上 6 個版本。
來源：TechNews 科技新報