今次傳出的消息源自 9to5mac 網站的爆料，根據 9to5mac 收到的消息，本來 Apple 對 Apple Watch 電池表現的期望係 Apple Watch 係重度、輕度混合的正常使用狀況下，能夠使用 19 小時左右，而係睡眠模式的話就可以撐到 4 日。但最終 Apple Watch 的表現始終都未達 Apple 預期，係睡眠模式下， Apple Watch 最多都只可以頂到 3 日。既然係低耗電模式下 Apple Watch 的電池表現都不如 Apple 預期好，大家可以想像係正常使用情況下 Apple Watch 都好難捱到 19 個小時了。
點解 Apple Watch 的電池續航力咁弱雞呢？同手機耗電快的原因一樣，一般相信係由於屏幕同處理器兩項硬件設備所致。傳聞 Apple Watch 用上左 60FPS 的 Retina 屏幕，而且處理器方面都用左效能同 iPad 2 、 iPod Touch 所用的 A5 處理器差唔多的 S1 處理器晶片。屏幕同處理器都咁強勁就難怪耗電量都咁大啦。
▲ 如果真係要一日一充電的話，唯有寄望 Apple Watch 充電會快啲啦。
坦白講，對於 Apple 產品推出前的 Rumors 版主一向都係半信半疑的，所以今次有關 Apple Watch 的消息版主都係覺得大家睇完就算，唔洗太認真。有樣野反而版主係更為關心的，就係目前為止大部份 Smartwatch 比人感覺都係無乜用，多左少左都唔覺有好大影響咁，究竟 Apple Watch 能否好似 iPad 一樣成功改變大家生活習慣同心態呢？如果大家有意見不妨留言發表下啦。
9to5Mac