13.1mm 激薄! 12 吋 New MacBook 「J 」出血圖集
|
科技新知
睇完 Eddie 我分析文,相信大家對 New MacBook 基本上都有左結論。外國網站對 New Macbook 的評價簡單來講都係從 外型、重量、屏幕 等方面 New MacBook 都可以用「 impressive 」來型容,但規格不及 MacBook Air 同埋只得一個 USB-C 連接埠插頭就可能成為大家對呢部目前 Apple 最薄的 Mac 機卻步的原因,而家就一齊睇下外型有幾咁驚艷啦!
▲ 首先一次過比大家睇晒三隻色先,今次 New MacBook 同 iPad 、 iPhone 一樣出夠太空灰、金、銀三隻色。
(左起:銀、太空灰、金,版主個人都係覺得太空灰最啱睇!)
▲ 機背同 MacBook Air 最不同的地方就係無左發光蘋果 Logo,令不少「果粉」失望。
▲ 厚度上只有 13.1mm ,比起現時最薄的 MacBook Air (17.4mm) 仲要薄 24% 。
▲ 除左超薄的厚度,機身兩邊都相當簡潔,可以見到 New MacBook 真係比 3.5mm 插孔厚少少咋!
▲ 機身的左邊都只有一個 USB-C 插口,要用平常的 USB 就只有加轉插啦。
▲ 另一個 New MacBook 的賣點就係用左全新的 Keyboard 啦,呢個 Butterfly Mechanism 鍵盤比以往的鍵盤厚度薄 40% 可以話係 New MacBook 做到如此纖薄的一大功臣。
▲ 因為比以往 MacBook 按鍵大上 40% 的關係,用家係 New MacBook 上可以更穩定、更準確的打字。
▲ 點解 New MacBook 只係得 12 吋但按鍵卻可以比以往的 MacBook 大呢?就係因為新 Keyboard 相當貼邊,能夠做到咁貼邊又源於取消了 左右的 USB 和 SD 卡槽之故,果然超輕薄背後都係有代價的。
▲ New MacBook 的 Trackpad 加入左有壓力感應以及 Force Click 的功能,要留意呢種新 Trackpad 係新型號的 13 吋的 MacBook Pro with Retina Display 一樣係有的。
▲ 唔少朋友都好希望今次發佈會上 Apple 會為 MacBook Air 提升 CPU 同埋加入 Retina 屏幕,但最後就只有呢部 New MacBook 有 Retina 靚芒,唔知大家又會否為左 Retina 屏幕而改買 New MacBook 呢?
▲ 最後同大家睇多次正面。
▲ 同埋沒有發光蘋果 Logo 的背面。
好啦,全新 New MacBook 的外觀就同大家詳細分享過啦,唔知大家睇完後結論係睇定啲先還是想入手的意欲更大呢?不妨留言分享下啦!
來源:The Verge 、 Apple Insider 、TechBuffalo